BIBLIOTECA DO CHOUZO

15 Marzo

Domingo 15 de Marzo: "Día  Mundial dos Dereitos do  Consumidor"

O 15 de marzo de 1962, o presidente de EEUU, John F. Kennedy, recoñeceu no seu discurso ante o Congreso que os consumidores constituían o grupo económico máis grande do mercado dado que englobaba a todos os cidadáns. Feito polo que afectaban e víanse afectados por case todas as decisións económicas públicas que se tomaban. E que sin embargo, a pesar da súa global magnitude, os seus puntos de vista a miúdo non eran escoitados.

En conmemoración desta xusta observación presidencial, en 1983, a ONU instituiu o "Día Mundial dos Dereitos do Consumidor " co obxectivo de recoñecer a súa relevancia no proceso produtivo e instar ás institucións a arbitrar medidas que protexesen os seus dereitos:

Imagen:Revista local interior Valencia

• dereito ao acceso a bens e servizos básicos esenciais, como alimentos, roupa, vivenda, saúde, educación e salubridade dereito á protección contra produtos e procesos perigosos.
• dereito a recibir información para unha elección correcta e protección contra publicidade deshonesta ou confusa.
• dereito a escoller produtos e servizos a prezos competitivos coa seguridade dunha calidade satisfactoria.
• dereito a ser escoitado e estar representado na elaboración e execución dunha política gubernativa e no desenvolvemento de produtos e servizos.
• dereito a recibir unha reparación adecuada por queixas xustas, incluíndo compensación por información enganosa, bens defectuosos ou servizos insatisfactorios
• dereito á educación dos consumidores para efectuar eleccións seguras de bens e servizos, e ser conscientes dos dereitos básicos dos consumidores e como facelos efectivos.

En España, o artigo 51 da nosa Constitución, adxudica aos poderes públicos a defensa destes dereitos e a información e formación dos usuarios como consumidores responsables.

Amazon incrementa sus ventas

Nos últimos tempos, coa aparición da tecnoloxía intelixente, o perfil do consumidor cambiou. Ao ofrecer o acceso a novos servizos e unha maior comodidade as compras online multiplícanse (España é o 4º país da UE en transaciones online). Isto conleva a miúdo tamén novas preocupacións para o consumidor: a falta de seguridade, de privacidade, de claridade sobre quen é responsable cando a compra non se corresponde ou non funciona correctamente...
 A este respecto, a UE establece en beneficio do consumidor que: · O vendedor debe proporcionar información clara, correcta e comprensible sobre o produto ou servizo, (incluíndo o prezo total unha vez incluídos impostos e posibles recargas, gastos de envío e calquera outro custo adicional). · Do mesmo xeito que se se compra o produto nunha tenda física, nas vendas online o consumidor ten dereito a anular o seu pedido no prazo de 14 días, por calquera motivo e sen xustificación algunha. · Nas compras online, o vendedor é responsable dos posibles danos causados aos produtos desde o momento da súa expedición ata a súa recepción.

Se un produto comprado na UE que está defectuoso ou non é ou non funciona segundo o anunciado, tes dereito a solicitar unha reparación, un cambio ou, se nada disto é posible, un reembolso. Os consumidores temos dereito a acceder a produtos e servizos de calidade, a ser informados, escoitados e protexidos; a ser compensados se sufrimos algún abuso por parte dun vendedor ou prestatario dun servizo. Pero tamén é moi importante saber adquirir ou contratar servizos con intelixencia:

• Comparar prezos antes de realizar unha adquisición. Desconfiar de ofertas excesivamente vantaxosas. Analizalas detidamente. 
• Ler as indicacións das embalaxes 
• Esixir factura e gardar recibos e documentos 
• Evitar compras innecesarias!

Sé ti quen decida ser comprador 

do produto que necesitas.

Non deixes que  sexa a publicidade 

a que te faga comprador daquilo que desexan que necesites.