BIBLIOTECA DO CHOUZO

miércoles, 5 de febrero de 2020

30 de Xaneiro

Día da Ilustración

Fai xa moito tempo que as ilustracións deixaron de ser simples imaxes que substituían as fotografías nun artigo. A día de hoxe, é recoñecido o seu papel importante como linguaxe universal, sen problema de fronteiras idiomáticas, e de interpretación inmediata. A labor dos ilustradores como eixes críticos da realidade do momento (política, económica, social...) é equiparable á labor dos columnistas pero cunha percepción que chega de modo máis inmediato ao "espectador-lector".

É por iso que a Xunta de Galicia instaurou o 30 de Xaneiro como "Día da Ilustración" coincidindo co día do nacemento de Alfonso R. Castelao, gran debuxante, creativo e divulgador a través de múltiples formas de expresión, polifacético autor ademais de político, escritor, pintor e médico.

Nas súas ilustracións, Castelao retratou os horrores da guerra civil, a dor da Galicia máis triste e a realidade do trato de Galicia fora das súas fronteiras.

Ca institución desta data, preténdese potenciar esta forma de expresión e dar recoñecemento a todos aqueles artistas que a través das súas obras deixen plasmada, xa non a dor, senon a beleza da nosa Comunidade.

Gael e Juan de 6ºB, Xavi, Aloia, Xian, Bao e Vera de 2º A
e Roi de 6º B orgullosos das súas creacións

Nesta dirección van encamiñados algúns dos nosos grandes artistas do colexio que, puidera ser que nun futuro non moi lexano fagan figurar o seu nome ao carón do de Castelao. Si ben de momento, estes ilustradores en potencia, ainda non adican a súa obra a plasmar a realidade que os rodea senon máis ben os seus gustos literarios e cinematográficos preferidos. Pero todo se andará. Démoslles tempo.

Unha mención especial merece a obra de Ledi, unha nena moi creativa de 2º B que, ca axuda da súa profesora Pilar, está a crear o seu propio diccionario en imaxes, para facilitar a aprendizaxe do noso idioma. Toda unha proeza!!