10 Febreiro
O "Carballo lector". Unha árbore con "brotes" literarios.
Adiantándose un pouquiño á primavera, xa está listo para comenzar a brotar!
Este é o voso novo recuncho de suxerencias!
Aproxímanse as vacacións de carnaval e non sabedes qué ler? Esta fin de semana promete ser tranquila e chuviosa e non tedes plan de lectura? Hai días que rematastes o libro que vos mantiña en vilo coa trama, e queredes outro ao mesmo nivel de intriga?... Ou ben, lestes unha obra impactante, emotiva, hilarante... e queredes compartila?... A resposta ás vosas cavilacións e desexos está no voso novo recuncho: "O Carballo lector"!
Adiantándose un pouco á primavera, esta milenaria árbore está disposta a brotar coas vosas suxerencias! Alí podedes dar a coñecer aqueles descubrimentos literarios que vos deixaron impactados, ou ben,votarlle unha ollada ás suxerencias dos demáis para ter unha idea sobre aquela obra que máis se axuste ao que en cada momento necesitades ler para pasar un rato divertido, ameno e instructivo!!!
Xa sexa para proporcionar ideas ou para "adquirilas" , non deixedes de visitalo!
O Carballo está listo para intercambiar a vosa información!!!
Dónde podedes encontralo?
Moi fácil! Conta coa preceptiva sinalización!
Camiño da Biblioteca!
Só tedes que seguir a flecha!
Sacádelle proveito! Visitádeo con frecuencia e
a disfrutar das lecturas á carta!!!
No hay comentarios:
Publicar un comentario