BIBLIOTECA DO CHOUZO

14  Febreiro

Todos xuntos colaborando no "Día Internacional da Amizade"

Chegou o 14 de Febreiro, e a "Torre da Amizade"  solidificouse coa colaboración de toda a nosa Comunidade Educativa tal como estaba previsto.
Desde a primeira hora da mañá, pais, nais, alumnado, compañeiros... converxeron na Biblioteca para expresar a súa concepción da amizade.
En forma de poesía, uns, e en forma de pensamento, outros, os papás e mamás fixérono de modo voluntario e con gran agrado, aínda que algúns mostraron a súa timidez evitando ser retratados!
Algúns titores aproveitaron a ocasión para completar a sesión dun modo especial.
 Así, por exemplo, os alumnos de 6º A, ao amparo da torre, coa súa titora Rocío, aproveitaron para facer, micrófono en man, a interesante lectura dunha redacción sobre a importancia do amor propio, xa que para querer aos demais debemos querernos nós primeiro. Todo isto tras traballar o libro "Yo voy conmigo".
Aos alumnos de 5º A, a súa titora Inma, preparoulles unha actividade de reflexión sobre diversos aspectos da amizade auténtica. A amizade "hai que gañala", non se pode obrigar a ninguén a ser o noso amigo nin a selo en exclusiva prohibíndolle selo doutros tamén. Finalizaron a sesión rodeando a torre, todos unidos, como bos amigos nunha actividade moi divertida que ilustraba claramente o bonito de ser todos amigos.
Outros titores, preferiron evitar a aglomeración e baixaron á Biblioteca tras traballar o tema na aula, compartindo o momento de pegar o resultado do seu traballo.
E así, ao longo de toda a mañá nun bule-bule fraternal, foron deixando a súa pegada
personalizada ata non deixar un oco vacío na estructura, para demostrar que todos teñen moi claro o gran valor de ter un bo amigo, o importante que é coidar coma un tesouro unha amizade verdadeira e o necesario que é facerse querer e coidar que o cariño sexa recíproco.

Marcapáxinas ao son da celebración

E como lembranza da experiencia vivida neste día tan especial, todos puideron levar un fermoso marcapáxinas personalizable que a mesma torre lles ofrecía gracias a dous orixinais dispensadores.

Aquí vos deixamos algunhas imaxes da experiencia compartida:

Gracias a todos e todas pola vosa colaboración!

En especial ás familias que, apoyando a actividade coa súa participación, axudaron a dar exemplo!

Un bonito día da amizade para todos e amizade auténtica nas vosas vidas!