BIBLIOTECA DO CHOUZO

22 Abril

 A xogar!  Cap. II  "Os Muiños galegos"

Estades Listos? Chegou  a segunda entrega para coñecer Galicia!

Hoxe,  imos falar dos muiños. Eses lugares máxicos tan importantes antaño paras as vidas das xentes do seu arredor. 
Inspiradores de cancións,  poemas,  lendas e novelas nos seus tempos de esplendor e agonizantes e destartalados hoxe, tras a irrupción da electricidade que fai o traballo máis rápido, menos  penoso pero, tamén, con menos encanto.  Atrás quedou o feiteceiro runm-rum das súas moas esmagando o gran, o sonoro triqui-traque do tarabelo sumerxido  no sonsonete cantarín do torrente da auga que o facía funcionar, aquela complicidade coa luz da lúa para facer nas quendas nocturnas os serpenteantes  sendeiros voltando de vagar cargando aqueles preciados sacos de maná. 

Caíron no olvido. Os que tanto ben fixeron e tanta fame solventaron, xa non teñen lugar nun  mundo de prisas e sons artificiais. Perdeuse o vocabulario ao non ter sentido nin utilidade algunha recordalo.

Pero, o certo é, que o que agora xa non serve, pasa a cobrar importancia non polo que é senon polo que foi. Agora non son muiños, pero son patrimonio, testigos dun modo de vida ancestral.

As "aceñas" ou presas serven para
desviar a auga do río hacia a canle
que ha de conducila ata o muiño

E por iso, porque son unha mostra do inxenio dos nosos antepasados que souberon aproveitar algo tan sinxelo, económico e san como as correntes da auga e o vento, tan pródigos ambos na nosa comunidade, para levar á súa casa o pan, imos repasar as súas funcións, o seus tipos, as súas partes, a súa ubicación... imos rendirlle a homenaxe que se merecen en agradecemento e, tamén, como orgullo  da riqueza do noso chan recorrido por regos, regatos, fervenzas, ríos... auga que nos da vida e nos arrulla co seu cantar.

Canto sabedes sobre o tema?

Agrupade  a vosa  Familia e... A xogar!

Estade a tentos a todo o que poidan contarvos ao respeto 

os vosos avós, tíos, papá, mamá... 

Canto máis aprendades, mellor!

Ánimo!

Cómo foi, campeóns?  

Seguro que xa sabiades todo!

Se non lograde velo directamente podedes acceder a través do seguinte enlace: 

https://view.genial.ly/5e9f33a760e2f20daa5c5d68/game-breakout-xogamos-os-muinos

Ánimo, e atentiños a terceira entrega:  

 A xogar!  Cap. III  "As pontes e as fontes"