BIBLIOTECA DO CHOUZO

2 Abril

Balcóns azuis no "Día de Concienciación sobre o Autismo" e máis comprensión e apoio as familias.

Hoxe 2 de Abril, celébrase tamén o "Día Mundial de Concienciación sobre o Autismo", decretado por Nacións Unidas en 2008, co obxectivo de concienciar sobre a necesidade de mellorar a calidade de vida dun gran sector da poboación que sofre esta discapacidade. Calcúlase que aproximadamente un total de 83.00 nenos en idade escolar teñen autismo en España. En Europa estímase que 1 de cada 100 nenos ten TEA. No mundo calcúlase un total de 70 millóns de persoas autistas.

Albert Einstein, Isaac Newton, Amadeus Mozart… son só algúns exemplos de nenos aos que custou sociabilizar e que, con todo, a pesar dunha longa existencia de illamento no seu mundo interior deron chegado a ser grandes xenios.

Neste enlace podedes ver a vida de Benjamín, un neoyorquino de 23 anos que soña con ser productor ou director de cine e que alternando co seu traballol xa ten feito máis dun curto.

https://youtu.be/_itoI2XXrwo

Él é só un simple exemplo máis que mostra a gran capacidade destas persoas. Porque o autismo non vai asociado a unha incapacidade intelectual sinon a unha dificultade para comunicarse e entender o mundo exterior, polo que precisan gozar dunha maior empatía e capacidade para conectar co seu mundo interior por parte daqueles que o rodean.

O autismo é un trastorno que afecta á configuración do sistema nervioso e ao funcionamento cerebral, provocando que a persoa que o sofre teña dificultades de comunicación e interacción social e na flexibilidade do pensamento e da conduta. 

Estes días de illamento, son especialmente duros para estas persoas habituadas a unhas rutinas de cumprimento estrito que agora ven imposibilitadas pola corentena. As súas casas se ven invadidas polo seu gran silencio e as súas familias atopan dificultades en realizar uns paseos que os especialistas consideran terapéuticos,  pola incomprensión dalgúns veciños ignorantes da situación que eles viven.

Cada ano, respondendo á campaña internacional Light It Up Blue ( LIUB), “ilumínalo de azul”, miles de edificios e monumentos emblemáticos de todo o mundo ilumínanse de azul como mostra de apoio e solidariedade con estas familias. O ano pasado ilumináronse 350 edificios, este ano a proposta pretende alcanzar os 400. 
No seguinte enlace podedes ver  as imaxes dos edificios e monumentos  que responderon á proposta LIUB  no 2018:
https://youtu.be/x-xxgzHhHl0

A Confederación de Autismo de España propón sumarse a este reto iluminando ás 21 h, (despois dos aplausos solidarios), as xanelas ou balcóns cunha luz azul ou o móbil aceso, e compartir unha foto ou vídeo en redes sociais cos hastag # LIUB e # DíaMundial Autismo.

Algúns concellos animan a poñer colgados nos balcóns ou ventanas globos ou prendas azuis.

                               

      Todos á ventana e ao balcón!

Vai por todas estas familias!

Por outra banda, o lema desta ano 2020 é:       
   “Podo APRENDER. Podo TRABALLAR”. 

O COVID-19 obriga á asociación como curre con todo nesta corentena, a trasladar a súa campaña aos medios dixitais. Neles pódese obter os materiais da campaña e pódense compartir iniciativas a favor do autismo co hastag #DiaMundialAutismo, tales como vídeos facendo un pequeno xesto no seu favor.

Podedes ver un exemplo na ligazón: https://youtu.be/0QBT7b01Lh8

 Animarvos e seguide o exemplo!
O noso apoio a todas as familias!