BIBLIOTECA DO CHOUZO

25 de Novembro

Día Internacional para a Non Violencia de Xénero

Fundamental: educar no diálogo e no respecto desde pequeno

Segundo o artigo 1º da Declaración Universal dos Dereitos Humanos, (1.948), "todos os seres humanos nacen libres e iguais en dignidade e dereitos e, dotados como están de razón e conciencia, deben comportarse fraternalmente os uns cos outros".

A profesora Pilar co seu alumnado

Pero en pleno s. XXI, hai quen, sen esa razón e esa conciencia que se lle presupón en dito artigo e que como ser humano debería ter, pretende sentirse superior facendo dano aos que se cruzan no seu camiño. Engánase a sí mesmo pois, moi lexos de parecer superior, soamente demostra a súa frustración e pon de manifesto as súas carencias.

O respecto e a correcta comunicación é algo que se aprende desde pequeno, no exemplo do fogar, no colexio, nas actividades e xogos de equipo...

concienciados da importancia do tema

pouco a pouco foron dando forma ao mural

Por iso é fundamental traballar a igualdade en todos os aspectos: nada nos fai diferentes, nin o sexo, nin a capacidade intelectual, nin os hándicaps físicos, nin ningún outro aspecto. A dignidade non se tasa. É o valor da persoa polo feito de selo e polo tanto é un valor universal igual para todos e cada un de nos. O único que nos diferencia é precisamente o noso modo de comportarnos ante a realidade. Comportémonos, pois como compre!

Os alumnos e alumnas de 2º B, perfectamente concienciados da importancia do tema, o plasmaron claramente nun mural moi ilustrativo no que poñían de manifesto que pegar e gritar, non son opción posible nunha relación.

O vistoso resultado final  enviaba unha mensaxe moi clara

Noraboa rapaces pola vosa colaboración na necesaria labor concienciadora!