16 Febreiro

"Leolo Comunica": Unha rosa a cambio dunha entrevista!

Celia, Antía y Ainhoa dispuestas a
cambiar sus hermosas rosas por entrevistas

Febreiro, un mes moi festivo, nas ondas de Leolo Comunica!

Con motivo da celebración de san Valentín, (14 de febreiro), o Día de Rosalía de Castro (24 de Febreiro) e a festa do entroido, o equipo de radio, "Leolo Comunica", decidiu saír á rúa para pescudar que coñecen, que opinan e como celebran ditas datas os cidadáns vigueses. Coincidindo co día de san Valentín, (data importante para as persoas namoradas e para aquelas que atesouran unha auténtica e irrompible amizade), o equipo de radio saíu á rúa disposto a alegrar ese día tan sinalado aos transeúntes que tivesen a fortuna de cruzarse no seu camiño. Como? Cun gran sorriso e moita ilusión, regalarían unha fermosa rosa a todas aquelas persoas que se mostrasen colaboradoras respondendo as súas preguntas. Un trueque xusto!

Agradecemos a Alejandra, Rosa, Patricia, Lorena,  Manu, Mateo,  Patricia e Mercedes a súa alegre colaboración e a súa paciencia. Moitísimas gracias!

Se queres saber o resultado da súa aventura: canto sabe a xente sobre o amor, como celebran o entroido e o ben que coñecen a Rosalía de Castro e a súa obra, só tes que premer na seguinte ligazón.

https://go.ivoox.com/sq/2536512

E, se ao finalizar queres divertirte un rato, proba a averiguar canto sabes ti, a túa familia ou os teus amigos, sobre o tema facéndolles as mesmas preguntas! Deixa que te sorprendan!

 15 Febrero

" A Paz", nas ondas de Leolo Comunica

Equipo de Leolo Comunica  investigando

O 30 de Xaneiro, celébrase o Día Escolar da Paz.

En todos os colexios, os seus patios e aulas énchense de actividades que lembran ao alumnado o importante e necesario que é velar polo entendemento, o diálogo e a tolerancia para unha existencia en harmonía. Faise un repaso dos valores fundamentais e cítase a persoas que velaron polos devanditos valores e o seu dereito para gozalos mesmo, en ocasións, arriscando as súas vidas. Algúns dos seus nomes ecoan con frecuencia nos oídos dos máis pequenos: Malala, Gandhi, Nelson Mandela, Martin Luther King... Todos fixeron historia mellorando o mundo e dándonos exemplo. En "Leolo Comunica", quixeron dedicarlle unha breve sesión á Paz e os seus defensores. Aquí, nesta ligazón, poderedes escoitar o resultado:

https://go.ivoox.com/sq/2536165

 14 Febreiro

"Kallaoikoi. O mar dás meigas", segue creando espectación.

A multicolor riqueza mariña da Ría de Vigo mostrada neste curto de Jorge Martínez Vázquez, segue deslumbrando ao noso alumnado. Hoxe comezaron as quendas dos máis pequenos! As rechamantes cores dos nudibranquios, a grácil silueta da perigosa raia, ou o perfecto truco do rodaballo para xogar ao agocho cos seus predadores, constituíron os descubrimentos máis sorprendentes para eles.

A próxima semana seguiremos desvelando os misterios da vida mariña da nosa ría aos máis pequenos ! Non vos perdades detalle!

 14 Febreiro

Laura, Emma e Uma contáronnos: "Palabras con corazón"

Nunha data tan sinalada como o "Día de san Valentín", Laura, Emma e Uma proporcionáronnos unha sesión de "Cóntoche un conto" moi acorde coa devandita celebración.

Coa obra "Palabras con corazón", de Kate Jane Neal, lembráronnos o gratificante e curativo que pode ser, non só escoitar, senón tamén dicir, aos demais palabras positivas, optimistas, doces, amables, de ánimo, de apoio, de amizade, de comprensión, de perdón... ou sexa: dicir "palabras con corazón"! Ademais elas mesmas acompañaron a lectura coas súas propias creacións para ilustrala máis claramente! Moitísimas grazas Emma, Laura e Uma, por lembrarnos algo tan importante como a necesidade de comunicarnos con "palabras con corazón", que todo o vencen (medo, pena, dúbida, tristeza, rancor, desasosego, dor...) Parabéns polo voso éxito e esperamos volver escoitarvos moi pronto con outra fermosa historia!

 13 Febreiro

Unha invitada moi especial en "Cóntoche un conto"!

Hoxe, Carol, Zoe e Enma, contáronnos "Croco". Unha tenra historia, de Roberto

Aliaga, que nos mostra como o pequeno crocodilo debe adaptarse a novos retos para satisfacer as súas necesidades e, resolver el só, os conflitos que lle xorden no camiño.

A sesión contou coa presenza de alguén moi especial entre o público! As protagonistas convidaron á profesora Sara, quen, coa súa dozura característica, escoitou con atención o desenvolvemento da sesión e felicitounas pola súa valentía e o seu bo facer.

Sen dúbida, ademais do aplauso dos asistentes, foron as palabras da súa anhelada convidada o maior premio ao seu esforzo! Moitas grazas profe Sara por converter esta sesión en inesquecible para estas grandes lectoras! Parabéns Carol, Emma e Zoe! Esperamos escoitarvos moi pronto cunha nova historia.

 12 Febreiro

"Dentro de nuestra mamá", en  "Cóntoche un conto"

Celia y Antía de 5º A, léronnos  esta fermosa obra de Jo Witek. Un álbum que axuda aos nenos a ver a espera dun novo hermaniño como unha experiencia inesquecible, e a súa chegada, como un feito excepcional.

Evita os celos dos irmáns maiores, facéndolles vivir a aventura do novo nacemento, desde unha visión de coprotagonistas dunha fermosa aventura. Unha aventura na que eles terán un papel moi importante: serán os encargados de recibirlle, compartir as súas experiencias... A chegada do novo hermaniño convérteos, non en ex-reis do fogar destronados por un novo "intruso", senón nun apoio imprescindible para os papás. Polo tanto, a nova chegada axúdalles "a subir de nivel" pois, todos seguen a querelos moito, moito, moito.. Pero, agora ademáis, son moi importantes e necesarios!

Parabéns polo voso éxito e moitas grazas por compartir con todos esta lectura tan tenra.

Esperamos escoitarvos de novo moi pronto cunha nova aventura!

 12 Febreiro

"Kallaikoi. O mar dás meigas", na Biblioteca

Hoxe, mércores, na Biblioteca, proxectamos

"Kallaikoi. O mar dás

meigas". O curto musical de Jorge Martínez Vázquez, gañador do 3º premio no Ciclo Internacional de Cinema Submarino de San Sebastián, na categoría musical. Coa fauna e a flora da Ria de Vigo como protagonistas.

Guiados pola profesora Chelo, quen fixo a presentación do curto, o alumnado de primaria puido gozar do multicolor fondo submarino da ría de Vigo, a través do obxectivo do videocámara. O congro, o cabaliño de mar, o peixe ballesta, a centola, o peixe rei, o peixe doncela, a sepia, o bogavante, o pulpo, o gobio, a pintarroja, o san martiño... Uns mimetizados coa contorna, como o rodaballo, outros mostrando a súa elegancia natatoria, como a raia, outros xogando ao agocho entre algas, esponxas ou bosques de cenorias mariñas, como diversos nudibranquios vestidos coas súas rechamantes cores chillones, ningún membro representativo da especial e única biodiversidade da ría faltou á súa cita coa cámara.

Unha breve pero intensa sesión na que os asistentes puideron pasar uns minutos en unión coa nosa exquisita riqueza mariña. Ao longo dos próximos días, continuaremos coa proxección, para que tamén os máis pequeniños poidan gozar deste espectacular tesouro que encerra a nosa ría.

 7 Febreiro

"O coelliño branco" en "Cóntoche un conto"

Carolina, Noa e Zoe, regresaron de novo para contarnos a
aventura de "O coelliño branco". Unha divertida historia rimada que Xosé

ballesteros adaptou do portugués par ensinarnos que, ser valentes, non é unha cuestión de tamaño ou de forza, senón de ter coraxe para afrontar os retos. E, tamén, lémbranos que a miúdo son os máis humildes e "pequenos de aparencia", os que máis empatía derraman. Parabén pola vosa elección e o voso éxito,

Moitas grazas Carolina, Nora e Zoe por esta divertida e didáctica sesión. Esperamos volver escoitarvos moi pronto!

 5 Febreiro

"Salvaje" na sesión de "Cóntoche un conto"

Laura e Enma de 3ºA, léronnos esta divertida historia de Emily Hughes que nos convida a ser auténticos, a ser nós mesmos, respondendo ao que verdadeiramente nos gusta e nos fai felices, e non, "conformándonos" ou "someténdonos" ao que os demais consideran que é o mellor ou máis conveniente para nós, vivindo infelices ou frustrados por cambiar os nosos soños ou ideais polos seus.

Moitas grazas por traernos esta linda historia e parabéns polo voso éxito, Laura e Enma.

Seguimos contando convosco!

Esperamos vervos pronto de novo!

 4 Febreiro

"El cervatillo valiente" na sesión de "Cóntoche un conto" con Mariña, Aisha e Adriana

Nesta obra, Jillian Harker, móstranos que a valentía reside en todos nós.

Aínda cando nos creamos con pouco lanzo, podemos ser capaces de afrontar os máis difíciles retos, do mesmo xeito que o cervato da historia.

Ao ver que alguén pode necesitar a nosa axuda, dispárase o resorte que activa o noso valor e apresurámonos a realizar accións das que xamais sospeitásemos que seriamos capaces.
Unha fermosa historia magníficamente ilustrada que poderás tomar prestada na biblioteca para volver gozala na túa casa.
Aisha, Adriana e Mariña, parabéns polo voso éxito! Esperamos volver escoitarvos pronto cunha nova historia! Moitas grazas pola vosa frecuente colaboración!

31  Xaneiro

"Elmer" na sesión de "Contacontos de Familias" 

O mes de Xaneiro finalizou cunha nova sesión de "Contacontos de Familias" como broche de ouro. Nesta nova sesión, Liv e a súa Familia proporcionáronnos unha tarde didáctica e moi divertida co elefantito multicolor "Elmer", de David McKee . Este alegre e colorido personaxe, inmerso nun mundo de elefantes grises, ensínanos o importante que é valorar as nosas diferenzas e respectar as dos demais, aceptarnos e querernos como somos e potenciar positivamente as calidades que nos levan a ser distintos aos que nos rodean e que nos fan especiais e únicos. A sesión, ademais de ser escenificada por Liv e os seus papás, finalizou cunha divertida actividade na que os máis pequenos puideron caracterizarse do doce e alegre Elmer do mesmo xeito que Liv, ademais de dar renda solta á súa creatividade como creadores do seu particular Elmer multicolor. Unha divertida sesión pola que agradecemos a Liv e a súa Familia a súa colaboración e felicitámoslles polo seu éxito. Tamén agradecemos a todas as familias que fixeron un oco na súa ocupada axenda para asistir e apoiar esta actividade e reiteramos a nosa invitación a toda a comunidade educativa a animarse e ser os seguintes protagonistas cos pequenos da súa Familia!

Aquí vos deixamos un moi breve resumen da divertida sesión:

Parabéns á Familia de Liv polo éxito de hoxe! Esperamos poder seguir contando convosco en todas nosas futuras propostas!

Se non podedes ver o resumen, pinchade no seginte enlace:

https://view.genially.com/679fdaa660f1472c4a7270bb/presentation-presentacion-pizarra-magnetica

30 Xaneiro

"Mamá robot", en "Cóntoche un conto"

Sela e Pablo lembráronnos o importante que é poñer o noso
granito de area no noso propio fogar para mantelo limpo e en orde. Deste xeito, lograremos ter máis tempo para xogar e gozar xuntos. Fixérono, léndonos a divertida historia de Benoît Brousie: "Mamá robot".

A protagonista, unha mamá "ao servizo" de todas as pequeñeces e caprichos dos demais membros de fogar a horario completo, sen descansos nin recoñecementos, decide un bo día "declararse en folga", e... E, entón, todos descobren que, lonxe de vivir unha "catástrofe", ao facer cada un as pequenas cousas diarias que están dentro das súas capacidades, converte o seu fogar nun lugar máis feliz para todos!

Non só non lles supón un trauma, senón que, failles sentirse máis orgullosos e satisfeitos de ser máis responsables e axúdalles a ter máis tempo dispoñible para gozar xuntos coa súa mamá!

Xa sabedes o segredo dun fogar máis feliz! Agora toca polo en práctica!

Moitas grazas Pablo e Sela por esta divertida e instructiva historia!

Esperamos volver escoitarvos de novo moi pronto cunha nova historia!