BIBLIOTECA DO CHOUZO

8 de Marzo

Heroínas silenciosas. Grandes figuras na nosa vida.

Moito tempo transcorreu desde aquel 19  de marzo de 1911 en que Dinamarca, Alemaña, Austria e Suíza  decidisen celebrar por primeira vez o Día Internacional da Muller Traballadora. Moitos foron os países que se uniron desde entón á súa celebración. E moitos foron, tamén, os nomes de persoas destacadas en todos os campos, (Ciencia, Pintura, Literatura, Política, Historia…), os que saíron á luz desde que en 1975, as Nacións Unidas, decidisen institucionalizar o Día Internacional da Muller, en conmemoración da súa loita por participar na sociedade e no seu desenvolvemento íntegro como persoa.

As súas fazañas, proclámanse cada ano por todos os recunchos. Como homenaxe e, ao mesmo tempo, como exemplo para as novas xeracións.

Pero, hoxe, quixemos render homenaxe, tamén, a un grupo de heroínas moi especiais, cuxa pericia para converter o peor dos nosos días no día máis fermoso, non quedou rexistrado, (polo menos de momento), en ningún libro pero... si, na nosa retina e nos nosos corazóns. 

O seu esforzo silencioso, a súa entrega e o seu agarimo, van marcándonos, fortalecéndonos, modelándonos, axudándonos a converternos no que somos. 
O alumnado de 2º homenaxeou dun modo moi especial a esa persoa ou persoas que para eles é un referente. Ninguén quedou no esquecemento: as mamás, as avoíñas (que desempeñan un papel tan importante na sociedade actual!), as tías, as curmás e mesmo as profesoras!, compartiron lugar de honra no taboleiro de 2º.

Nós, coa nosa alegría, a nosa actitude, o noso comportamento, o noso modo de ser, somos ese libro aberto ao público no que todos verán grabado o resultado do seu esforzo e da súa vida silenciosa.  

Para todas elas, a nosa homenaxe!

Moitas gracias por estar sempre ahí dando exemplo!