BIBLIOTECA DO CHOUZO

 14 Marzo

"El monstruo de colores"  pon en orde as nosas emocións.

Cada segundo da nosa vida pode ser diferente, porque basta un só segundo para que todo cambie e se poña do revés.

Paralelamente, en consecuencia, nun só segundo pode cambiar o noso ánimo, pois vai da man da experiencia que estamos a vivir. Iso fai que o noso ánimo non podamos elixilo! Pero si que podemos xestionalo!

Pero, como xestionar algo que non sabemos o que é? Imposible!

Por iso é necesario saber identificar todos os nosos sentimentos!

Como? Celia e Aixa (4º A), trouxéronnos á sesión de Contacontos: "O Monstro de Cores", de Anna Llenas, para axudarnos a identificalos.

E aínda máis: acompañaron a lectura coa
práctica visual, axudándonos a poñelos en orde nos seus respectivos botes de cores segundo as instrucións do conto!

• Desexo compartir o que me pasa con todos...? Sinto alegría!...Bote amarelo..
• Sinto que se produciu unha inxustiza e algo me queima como un lume que non se pode apagar... ?    Sinto rabia! Pero non debo descargala nos demais!... Ao bote vermello...
•  Síntome pequeniño, inferior, incapaz de executar o que me piden... ?     Sinto medo! ...Ao bote negro...
•  Síntome lixeiro como unha folla ao vento, respiro con profundidade...?      Síntome en calma!...Ao bote azul...

E así, unha a unha, as emocións identificadas e ordenadas no bote da súa correspondente cor, a vida resúltanos máis sinxela! Xa podemos xestionala!

Parabén mozas pola vosa divertida e práctica lección.

Esperamos vervos de novo moi pronto con outra amena lectura!