BIBLIOTECA DO CHOUZO

8 de Abril

Vigo na memoria

Faro de Vigo, La Voz de Galicia e o Arquivo Pacheco, son tres das fontes imprescindibles de consulta para coñecer a historia e a evolución da cidade. 

Lembrámosvos que no expositor atópanse, para a súa consulta, tres das súas obras: 
"200 Memorias de Vigo" (Faro de Vigo) , "Mulleres", (pequena mostra do Arquivo Pacheco) e  o libro "50 años de La Voz de Galicia en Vigo".

• "200 Memorias de Vigo" (Faro de Vigo) introdúcenos na vida e obra dos personaxes que contribuíron ao desenvolvemento social, cultural, económico, político e industrial da gran cidade
• "Mulleres",  do Arquivo Pacheco, (no que atoparedes un pequeno índice das imaxes máis representativas) proporciónanos unha pequena mostra da evolución  (oficios, vestimenta...) dos propios cidadáns. O Arquivo Pacheco, representa a máis completa colección de recursos fotográficos sobre a cidade de Vigo. Adquirida no ano 1991, está composta por un total de 140.000 imaxes feitas por varias xeracións de fotógrafos da mesma familia e abarcan o período que vai desde finais do século XIX até a década dos anos 70.  E a súa variedade temática permite considerala como unha completa crónica da cidade.
• "50 años de La Voz de Galicia en Vigo", nos proporciona unha recompilación de reportaxes, acontecementos e fotos da historia da cidade. A Voz seleccionou un dos principais feitos de cada ano do último medio século, buscou ao seu protagonista e contou a historia a través dos seus ollos. Hai noticias de todos os ámbitos: políticas, económicas, de sociedade, de sucesos, deportivas... dende 1967 até 2017.  O libro reflicte a transformación ao longo dos últimos 52 anos, dende que os tranvías  aínda circulaban polo centro conformando a banda sonora da cidade co chirrido dos seus frenos, ata o presente, no que a cidade apenas garda un afastado parecido ao que era entón. 

Vecinas de Beade camino de la feria del
Campo de Granada (hoy Pza. del Rey) en 1950
"Mulleres" do Arquivo Pacheco

Policarpo Sanz transitada por los últimos
tranvías en 1967.
"50 años de La Voz de Galicia en Vigo"

Como "unha imaxe vale máis que 1000 palabras", invitámosvos a votarlles unha ollada.