BIBLIOTECA DO CHOUZO

Mércores, 13 de Febreiro 

Seguindo con Rosalía: un "caldo de gloria"

Anecdotario: O 24 de febreiro de 1837, naceu en Santiago Rosalía de Castro.

Todos coñecemos os títulos dos seus principais libros e mesmo sabemos recitar de memoria algúns versos das súas poesías máis coñecidas. 
En moitos países onde emigrase un bo número de galegos, existe un "Centro Gallego" ou "Casa de Galicia" onde estes encárganse de que a súa obra permaneza viva. E sen ir tan lonxe, sen cruzar fronteiras, tamén nalgunha comunidade española, por exemplo na comunidade de Valencia, el "Centro Gallego de Valencia" prepara unha boa programación de actos para lembrar o "Día de Rosalía".
Pero...  a pesar de tan profundo coñecemento, saberías dicir que  é un  'caldo de gloria'?  
Pois, seguindo a receita que narra Rosalía no seu poema 'Miña casiña, meu lar' -'Follas Novas'-, no que enxalza "a épica dos humildes" a través dos pasos dunha muller pobre que volve a casa para celebrar aos pés da súa 'lareira' o simple feito de sobrevivir un día máis, o 24 de febreiro do ano pasado (2018), foi servido en 130 restaurantes de toda a xeografía galega un "Caldo de gloria", sumándose á iniciativa da Fundación Rosalía, que pretende que Galicia lembre a Rosalía a través da gastronomía popular e as leccións que ofrece a protagonista do poema: "Sobrevivir e mesmo ser feliz a pesar da penuria e das adversidades".
Animádesvos a buscar a receita e degustalo en casa cal restaurante de estrela Michelín?
Mesmo nesta páxina: 

http://rosalia.gal/causes/caldo-de-gloria/

podes apuntarte á proposta da Fundación Rosalía de Castro para degustalo este ano 2019. 
Na páxina encontrarás o modo de facelo ou o modo de 

degustalo na mesma casa de Rosalía o 24  de Febreiro.

E mesmo se buscas "Caldo de Gloria. Rosalía de Castro" atoparás vídeos ca explicación paso a paso do devandito caldo. 

Se vos animades, bo proveito a todos!