Descubrindo o río Lagares
Maruxa e Martina (6º B), viñeron descubrir os segredos do río Lagares aos nenos de 2º.
E é que, son moitas as familias que aproveitan algún tramo do seu paseo para contactar coa natureza, facer un pouco de sendeirismo, usar a bicicleta sen preocuparse polos coches, observar os inesperados desfiles de patitos que acompañan á súa mamá ou relaxarse véndolles compartir unhas migas.
Pero tamén son ainda moitas as que descoñecen o potencial que os seus fermosos recunchos ofrécenlles para aproveitar cos nenos unha xornada de deporte, pracer e coñecemento.
Dos seus 17,6 km totais (desde que nace na parroquia de Cabral), só os seus 8 km finais ata que desemboca formando as Marismas da Carrasqueira, xunto á praia de Samil, (na parroquia de Coruxo) son transitables. Pero, neste pequeno percorrido pódense atopar áreas de recreo infantís e tamén equipadas para adultos, parques (a súa canle cruza Castrelos), pontes medievales, pontes de madeira, flora e fauna variadas (avellanos, castiñeiros, nogueiras, guayabos...coellos, patos, garzas, libélulas...)...Todo un paraíso no que desconectar unhas horas conectándose só coa natureza. 
Pode haber mellor oferta?
Mozos, xa sabedes onde ir os fins de semana!
Instructivo, divertido, saudable e Gratis.
Non hai programa que lle faga competencia!
Moitas grazas, Mariña e Maruxa por compartir o voso esforzo e por darnos a coñecer un pouco máis nosa Cidade e os tesouros que esconde.
No hay comentarios:
Publicar un comentario