BIBLIOTECA DO CHOUZO: octubre 2012

domingo, 28 de octubre de 2012

CELEBRAMOS O SAMAÍN

Facendo "clic" na imaxe das cabazas poderás acceder a unha fantástica páxina de recursos e actividades elaborada pola biblioteca do ceip Mestres Goldar.

Atrévete a divertirte!!!

A Fundación Luis Tilve outorgou o seu premio anual 2012 de Acción Solidaria ao Proxecto Bubisher o venres 26 de outubro no auditorio do Concello de Vigo.
O premio foi recollido por Luisa Sánchez, coordinadora dos "Voluntarios Bubisher" e por Maribel Cajide, coordinadora do proxecto colaborativo cos campamentos de Smara "Coñecernos para querernos" e profesora do ceip Isaac Peral.
A este acto asistiron a asesora de Bibliotecas Escolares Pilar Sampedro, profesores do ceip Isaac Peral de Ferrol, profesores do colexio San Narciso (de onde partiu a idea do proxecto Bubisher) e profesoras do ceip Emilia Pardo Bazán como representantes de máis cen bibliotecas de centros escolares de Galicia que, desde hai anos, estamos colaborando con este proxecto solidario.
A nosa felicitación para Gonzalo Moure, que non puido estar presente na entrega do premio, e para todos os que de alguna maneira colaboran en que o Bubisher leve aos campamentos saharauis a nosa lingua e, sobre todo, a ilusión e a maxia dos libros.
Como di a canción.
"...é un longo camiño...
...o seu benestar é a miña preocupación...
...por que non compartir?...
...e el non é unha carga, é o meu irmán..."
PREMIO ao Proxecto BUBISHER (e ás Bibliotecas Escolares) on PhotoPeach

LECTURA na entrega do PREMIO

Open publication - Free publishing - More bubisher

Nesta convocatoria tamén se entregou o premio ao Traballo Digno ao xornalista Xavier Fortes López, o premio Defensa do Medio Ambiente e dos Bens Comúns recaeu no Museo do Pobo Galego e o premio Investigación e Divulgación Histórica á historiadora Aurora Marco López.

AGRADECEMENTO E DIPLOMA

POLA NOSA COLABORACIÓN

Open publication - Free publishing - More bubisher