CLUB DE LECTURA

As nais e os profes limos o libro:
"La elegancia del erizo" de Muriel Barbery.
No número 7 da Rue Grenelle, un inmoble burgués de París, nada é o que parece.
Paloma, unha solitaria nena de doce anos, e Renée, a intelixente portera, esconden un secreto.
A chegada dun home misterioso propiciará o encontro destas dúas almas xemelgas.
Xuntas, descubrirán a beleza das pequenas cousas, invocarán a maxia dos praceres efímeros e inventarán un mundo mellor.

La elegancia del erizo é unha novela optimista, un pequeno tesouro que nos revela como sobrevivir grazas á amizade, o amor e o arte.
Mentras pasamos as páxinas cun sorriso, as voces de Renée e Paloma mostran, cunha linguaxe melodiosa, un cautivador himno á vida.
(Información de Lecturalia)

Os nenos de 3º ciclo do Club limos: "Jan estivo alí"
"Jan estivera alí.
Lembrábao coma se fose onte.
E o cadro diante del non facía máis que confirmarllo.
Lembraba a fermosa señora, vestida co manto máis rico que Jan fora quen de ver até aquel día.
Lembraba o señor que a collía da man, severo e silencioso. Aquel home metía medo con só miralo".

Así comeza Jan estivo alí de Xosé Antonio Neira Cruz.
Unha obra baseada no cadro de Jan van Eyck (1390-1441), Retrato de Arnolfini e a súa dona, de 1434.
Cunhas coidadas ilustracións de David Soler, o álbum tenta ofrecernos unha posible interpretación desta pintura, considerada unha obra mestra, sobre a que se leva escrito moito (a meticulosidade dos pequenos detalles , o espello a as imaxes reflectidas nel, a sinatura en latín, ...)
Unha pequeña xoia que non debemos perder.
(Información da biblioteca do IES Colmeiro)

Houbo que buscar información sobre o cadro de Jan van Eyck.
E agora sabemos cousas como:

• Que se exhibe na National Gallery de Londres
• Que simboliza o documento do casamento
• Que está cheo de pequenos detalles que representan a riqueza da parella
• Que a pintura representa unha escena de intimismo costumbrista
• Que esta parella vivía en Bruxas (Bélxica)