BIBLIOTECA DO CHOUZO

jueves, 2 de abril de 2020

2 Abril

"Pequeno Premio Nobel de Literatura Infantil": O "Premio Christian Andersen" do IBBY.

En 1953, fundouse en Suíza o IBBY,( International Board on Books for Young People), organización non gobernamental incorporada a Unesco e Unicef, que impulsa o dereito de todo neno á educación e ao acceso directo á información, promovendo a produción e distribución de libros para nenos e xóvenes de todos os países.

Cartel de Damijan Stepančič para el Día d la Literatura Infantil 2020

Está integrada por seccións representativas de máis de 60 países. E desde 1967, cada ano,unha das súas seccións nacionais é a encargada de patrocinar o Día Internacional do Libro Infantil.
Ao principio, a sección nacional sobre a que recaía a honra, debía elixir un escritor representativo do seu país para elaborar unha mensaxe que se dirixiría a todos os nenos do mundo. Anos despois incorporouse tamén a elección dun ilustrador que se encargaría de elaborar un cartel para promover a celebración deste Día tan importante nas Bibliotecas, centros escolares, librerías... de todo o mundo.
Este ano, correspondeu a promoción do "Día Internacional da Literatura Infantil" á sección de Eslovenia e esta, elixiu ao seu escritor Peter Svetina para escribir a mensaxe e ao seu ilustrador Damijan Stepančič para elaborar o cartel.
Peter Svetina titulou a súa mensaxe: “Fame de palabras” e nel destaca a idea de que todos necesitamos saciar a necesidade de alimentar o corpo, pero “as palabras nos poemas e nos contos son o alimento para o espírito e para a alma” e saciar esta necesidade é tan importante como saciar a corporal.

En 1956, o IBBY creou o “Premio Christian Andersen” que se celebra cada dous anos para recoñecer a achega feita polos autores á Literatura Infantil e Xuvenil ( LIJ). Dez anos máis tarde (1966) incorporouse unha nova categoría a este premio para recoñecer o labor realizado tamén neste campo polos ilustradores de LIJ. Os gañadores do premio, (coñecido popularmente como o “Pequeno Nobel de Literatura Infantil"), reciben unha medalla de ouro co relevo do busto de Hans Christian Andersen (en similitud ca de Alfred Nobel que reciben anualmente os Premios Nobel de Literatura), e un diploma que lles é entregado pola raíña de Dinamarca.
Entre os finalistas deste ano 2020, atópase a española Elena Odriozola. Nesta ligazón podedes acceder ao vídeo de finalistas facilitado polo IBBY. O diálogo de Elena aparece ao final do vídeo:
https://www.youtube.com/watch?v=8gbY-CB05kI

"Lista de Honor" IBBY 2018
paralela al Premio, se elabora cada 2 años

Paralelamente ao Premio, o IBBY , publica tamén cada 2 anos, unha “Lista de Honor” na que se recollen as novidades propostas por cada unha das seccións nacionais que o integran, como recoñecemento á excelencia da achega de autores e ilustradores á literatura infantil e xuvenil dos dous anos anteriores.
Entre os nomeados pola sección española para a "Lista de Honra" do IBBY 2020 figuran dúas obras da editorial viguesa Kalandraka:
Na categoría de autor: a tradución “ Pippi Meediaslongas”en galego realizada por David A. Álvarez do orixinal sueco de Astrid Lindgren
e na categoría de ilustrador: as ilustracións realizadas por Federico Delicado para a obra “Unha longa Viaxe” de Daniel Hernández Chambers.