O NOSO NOVO RECUNCHO DE LECTURA

Durante estes días os nenos e nenas do Chouzo estrearon un novo recuncho na biblioteca.

O recuncho apareceu de sorpresa para ofrecer aos nenos e nenas momentos compartidos de lectura, de relaxación, contacontos... etc. Un dos grandes obxectivos da biblioteca durante este ano era renovar os nosos espazos pensando en que respondesen a todas as necesidades do noso alumnado.

Desta maneira a biblio comeza un camiño novo enfocado en pensarse como un espazo multidisciplinar no que o amor polos libros sexa o fío condutor.

Os días foron pasando e a nosa biblioteca dirá adeus durante este curso o 31 de maio, a partir dese día permanecerá pechada ata setembro. Lembrade que todos/as aqueles/as que teñades libros en casa teredes que ir devolvéndoos á biblio aos poucos para que estean dispoñibles o seguinte curso. 

Lembrade que o horario de biblioteca polas tardes é de luns a venres de 16:00 a 17:00h.

Moitas grazas a todos/as pola vosa colaboración, por estar presentes outro ano máis e formar parte da nosa gran comunidade.

Unha aperta grande, o equipo de biblioteca!

 Dowm

O pequeno fragmento da vida de Roi tentando descubrir por que o seu querido primo Guille é diferente, colouse no Club de Lectura de 4º.

As opinións sobre esta divertida e tenra historia de An Alfaya foron variadas, pero todos coincidimos nas conclusións:

--"Observemos a vida desde todos os diversos ángulos". Non quedemos só co preestablecido.Como descubre Roi, contar flores en lugar de ovelliñas (que é o que fai todo o mundo para quedar durmido ), tamén é divertido!

--"Ser "margaridas azuis" nun mundo dominado por margaridas brancas, non nos fai diferentes, senón que nos fai especiais, únicos".

Ao compartir experiencias, o debate da importancia das pequenas diferenzas leváronnos aínda máis lonxe nas conclusións:

Son os nosos pequenos xestos cotiáns os que nos diferencian dos demais e fannos únicos.

Por exemplo: actuar correctamente cando todos ao redor actúan con deixamento, anticiparnos a colaborar antes de que nolo pidan, mostrar aos demais sempre un sorriso aínda nos malos momentos... Cada un destes pequenos xestos convértenos en seres especiais, en margaridas brancas nun campo de mapoulas, en margaridas azuis nun verxel de margaridas brancas.

Moi ben rapaces!

Nunca esquezades ser margaridas azuis!

Volveu o Xadrez a 5 anos

 E volveu cun taboleiro XL á altura das
circunstancias, pois á

nova sesión de xadrez dos alumnos de 5 anos da profesora Sara, foron convidadas xa todas as figuras!

Torres, Alfiles, Damas, Reis e Cabalos foron ocupando progresivamente os seus correspondentes postos e movéronse con destreza polos cadros brancos e negros segundo as normas do seu status. Adquiridos os movementos básicos, a próxima vez que se verán será xa na súa primeira contenda de "xadrez vivente"!

Ánimo e a divertirse!!!

 Unha historia con "moito fío"!

O Club de Lectura de 5º,

gozou estas semanas coa lectura da obra
de An Alfaya: "O fio vermello". Un relato tan tenro que nos leva case a sentir o desexo de ter dous irmáns como Carlo e Nicola para compartir o seu sólido amor fraternal e a súa complicidade. E é que, alleo aos tan típicos celos, envexas, peleílllas ou enfados ocasionais típicos entre irmáns, Nicola está presente na vida de Carlo só para proporcionarlle os momentos máis felices da súa vida, compartindo o seu amor pola astronomía e a observación do firmamento... Nada hai na actitude de Nicola que lle impida a Carlo confiar cegamente no seu irmán, ata o punto de que, aínda cando as circunstancias son totalmente adversas, nada lle fai dudar que Nicola volverá a casa para cumprir a súa promesa! Unánimemente, todos chegaron as mesmas conclusións, e a todos lles pareceu:

-Unha fermosa lectura que podería inspirar a moitos irmáns para substituír os seus inútiles e constantes "desacordos" por unhas boas doses de complicidade. O seu exemplo podería lembrarlles o importante que é valorar a fortuna de terse uns a outros e verse como aliados e non como "adversarios a bater" ou como "insignificantes" só polo feito de ser os máis pequenos! -

Por suposto, todos os membros do Club descríbense a si mesmos como os mellores irmáns do mundo!!

Seguide así !

Marabillosos irmáns, excelentes compañeiros... e grandes lectores !!

Vémonos na seguinte!

 Un Taller de Escritura cargado de historias!

Unha vez máis, os amantes da pluma déronse cita no Taller de Escritura para compartir as súas últimas creacións.
Diversos estilos e tramas fixéronnos vivir momentos de tensión ao longo do seu desenvolvemento, e momentos divertidos coas peculiaridades excéntricas dalgúns dos protagonistas creados a golpe de estilográfica. Un gran éxito!

Moitas grazas Aloia, Martín, Gael, Clara e Miguel por deleitarnos con tan curiosas historias!

Volvede a poñer a punto a vosa imaxinación porque nos vemos no seguinte!

Xa nos tarda!

 Unha sesión de Contacontos moi especial!!

Tamén os alumnos e alumnas de 5 anos

acudiron á Biblioteca coa
súa profesora Sara para gozar dunha divertida e enriquecedora sesión de lectura. Aínda que lles agardaba unha sorpresa! Os libros non tiveron descanso! Todos os exemplares espertaban o seu interese!

Ao final, un nutrido grupo que gozara cos seus libros preferidos, transformaron a sesión de lectura nunha exitosa sesión improvisada de contacontos coa súa profesora como protagonista! Seguide así campeóns, amando a lectura!

"Os 3 cerditos"  adáptanse aos novos tempos!

A Biblioteca de Infantil, viviu unha nova invasión de mentes
espertas ávidas de aventuras! Transcorrido o período non lectivo entregados á inxesta de roscas, procura de ovos e demais actividades propias da Pascua, o alumnado de 4 anos da Profesora Natalia recuperou as súas sesións mixtas de Lectura e Contacontos.

Estes devoradores de aventuras regresaron cargados de enerxía e de desexos de compartir as súas historias preferidas con todos os seus compañeiros. Esta vez foi a quenda de Enara, Roi, Ían e Camila. Axudados por Tom e Tim,

deleitáronnos cunha versión moi orixinal de "Los 3 cerditos", na que cerditos e lobo adaptáronse moi ben aos novos tempos e compartían un dominio espectacular das novas tecnoloxías!! Ha, ha, ha...

Desbordante imaxinación, espectacular creatividade e asombrosa capacidade de improvisación!!.

Seguide así campións! Sodes fantásticos!!