16 Xuño

Entrega de Premios na Biblioteca

Hoxe Leolo encheu a Biblioteca de premios. 

Na ceremonia de entrega desfilaron: os membros dos Clubs de Lectura de 5º e 6º, os Axudantes de Biblioteca en agradecemento pola súa fiel colaboración ao longo do curso facilitando a labor do Equipo de Biblioteca, os gañadores e finalistas do Campeonato de Xadrez e participantes no Campeonato de Damas, , o alumnado máis lector e os gañadores do Concurso de Cómic.

Deste xeito tan alegre celebraron a súa última visita á Biblioteca e despedíronse ata o novo curso. Ata que en outubro as novidades e as novas propostas de actividades devólvaos á acostumada trasfega.

Noraboa a todos os premiados e muitas gracias pola súa colaboración!

28 Xuño

Aventuras e lecturas sen présas no verán!

Por fin chegou o descanso e con él un montón de horas sen
plan á vista. Ou con moitos plans pero tamén con moitos intermedios sen nada con que entreterse.

Qué facer neses intres? Aquí vos deixamos un puñado de ideas que, ben sabedes que son só un breve exemplo dos millares que vos podedes elexir: vivir aventuras, descubrir misterios, axudar a superheroes, decubrir cómo funciona o mundo, coñecer outras culturas, viaxar a lugares exóticos... e todo sen sair do cuarto ou do lugar donde te atopes descansando! Sen facer e desfacer maletas, sen abrir e cerrar portas... Só abrindo un libro e despertando a túa imaxinación!

Ponte cómodo, elixe un libro e disfruta do increible mundo que as súas páxinas te ofrecen!

Aquí tedes algunhas suxerencias:

Si non podes visionar adecuadamente as suxerencias, podes consultalas tamén neste enlace:

https://view.genially.com/64a0216dbe04fb0013cf838e 

Aprovetitamos para agradecer a toda a comunidade educativa a súa colaboración ao longo de todo este  curso e desexámoslles a todos un:

Feliz verán !

Vérémonos de novo en Outubro e esperamos contar de novo con todos vos!

 5 Xuño

Especial clausura do Club de Lectura de Adultos!

O Club de Lectura de Adultos celebrou a súa última sesión dun modo moi especial.

Elixiron a obra: "Cartografía de mis lunares", de Cristina Labrador, e contaron coa presenza da súa autora, quen é, ademais, profesora deste centro.

Coa alegría habitual que caracteriza as súas sesións desfrutaron compartindo opinións, fraguando novas amizades e desfrutando uns momentos especiais que só o que desfruta lendo e compartindo o que leu pode experimentar.

Unha longa pausa estival chega, non para esquecer, senón para lembrar, acumular novas ideas e descubrir novas lecturas que farán máis breve a espera ata o seu reencontro ao comezo do novo curso.

A este marabilloso grupo de ávidos lectores e lectoras, Leolo deséxalles un:

Feliz verán cheo de impactantes lecturas!

Vémonos de novo en setembro!

 5 Xuño

Xa temos gañadores do IV Torneo de Xadrez e Damas

Parabéns a todos os que desfrutaron con este xogo milenario ao longo destas semanas, e un merecido aplauso para os gañadores que, día a día, foron demostrando a súa gran habilidade para facerse coa vitoria.

Non foi doado! O nivel dos adversarios esixía concentración máxima para evitar o mínimo descoido! Rematado o Torneo de Xadrez, xa coñecemos aos gañadores:

André alzouse coa vitoria, seguido de preto de Enzo e Teo que empataron en segundo posto e seguidos, á súa vez, por Iago que proporcionou unha final moi rifada acadando o terceiro posto de finalista. Mención especial, merecen Samuel e Xoel que tamén mantiveron moi alto nivel de competición ata o final, deixando atrás a moitos xogadores! Parabéns a todos!

En canto ao Torneo de Damas, Enzo e Iago demostraron un gran dominio e estratexia, vencendo aos seus respectivos rivais.

Noraboa aos dous!

 22 Maio

Concurso de Cómic!

Atentos! Xa se coñecen os nomes gañadores do Concurso de Cómic!

Unhas produccións moi boas que demostran que temos verdadeiros artistas no colexio!!

Visitade o taboleiro para disfrutar coas súas obras!

Noraboa aos gañadores!!!

 22 Maio

Contacontos de Familias

Unha nova sesión de Contacontos de Familas encheu de alegría e colorido a Biblioteca gracias á Antón Fajardo e a súa nai, Ana. Para a ocasión, elixiron a obra: "El pez arcoiris" de Marcus Pfister.

Ao remate, como guinda, unha divertida manualidade mantivo aos máis pequenos concentrados amosando a súa creatividade! 

Moitísimas gracias por esta didáctica e divertida sesión!

 21 Maio

Manolito Gafotas, de Elvira Lindo, no Club de Lectura de 5º 

Os membros do Club desgranaron nas súas sesións as venturas e desventuras nas que o caravanchelero Manolito Gafotas transforma as cousas cotiás observadas desde a súa fiestra.

Unha divertida obra que da moito de sí para reflexionar sobre como un mozo da súa edade "capta" e interpreta o mundo exterior e o "manexa".

 18 Maio

Un Contacontos moi especial na Biblioteca

O alumnado de 2º de Primaria foi  hoxe o agraciado cunha especial volta ao mundo! 

Guiados pola pedagoga, actriz e profesora de teatro Sabela Gago, fixeron unha longa viaxe con escala nas máis coñecidas cidades do planeta, ( New York, Londres, París, Roma...) ata a mesmísima China! 

Ao chegar alí, Sabela contoulles a emocionante aventura acontecida a  Sofía e Martín na súa universalmente coñecida muralla.  Unha inesquecible experiencia que todos desexarían prolongar!!

Moitísimas gracias Sabela e moitísimas gracias Santillana por esta instructiva e divertida sesión!

 17 Maio

Club de Lectura de Adultos

O Club de Lectura de Adultos, xa ten unha nova cita: 

Data: 5 de Xuño

Hora: 17:00 h

Obra: "Cartografía de mis lunares"

Autora: Cristina Labrador

Lugar: Biblioteca de Leolo

Toda a comunidade educativa está invitada a participar! Esperámosvos!

 16 Maio

Concurso anual de Cómic!

Xa comezou o plazo de entrega. 

Animádevos a compartir as vosas propias obras para que todos poidamos disfrutalas.

Non vos esquezades, o plazo segue aberto! 

 15 Maio

O IV Torneo de Xadrez xa vai chegando ao final

A tan só dúas sesións de conocer ao definitivo gañador, os participantes dan todo o mellor de sí mesmos para alzarse coa victoria.

Enzo, Teo, Iago, Hugo... son nomes ben conocidos entre os seguidores do evento.  Pero, nos torneos venideiros, esta lista verase ampliada con nomes como Samuel (2º), quen pese a ser novo nestas lides,  está sorprendendo co seu xogo ante os máis avezados!

Ánimo a todos e que obteña a victoria o mellor, pero gañadores son todos, pois divertirse con este didáctico xogo xa é un bo premio!

27 Abril

Apadriñamento Lector polo Día Internacional do Libro

Con motivo do Día Internacional 

do Libro, celebramos o
habitual Apadriñamento Lector. Posposta por motivos imprevistos para esta semana, a sesión foi novamente un rotundo éxito.

Os maiores apadriñaron a uns espectantes pequenos ávidos de lecturas, contos e aventuras. Unha experiencia inolvidable para todos, na que ao remate houbo intercambio de agasallos para lembrala sempre. 

Podedes ver algunhas imaxes moi escuetas do que ocurría nos relanzos, no siguiente vídeo de mostra.

 23 Abril

Día Mundial do Libro na Biblioteca: Un abanico de actividades para todos os gustos e agasallos para todos!

O 23 de Abril conmemorouse o Día Mundial do Libro e, a Biblioteca, volcouse na celebración convidando a todos a participar en todas as súas propostas: agasallos de libros para alumnado de todas as idades; agasallos de libros para as familias; lectura da obra universal da nosa literatura: "O Quixote", os días 23 e 24; apadriñamento lector...

Un espléndido plan!!

O noso alumnado, ávido de coñecementos e novas aventuras, deron boa conta dos agasallos que os esperaban no patio!

Pero non só o alumnado pudo disfrutar dun bo libro! Tamén as
Familias contaron cos seus merecidos agasallos!

Ubicados no "Punto Lectura Familias", os proxenitores puideron elixir entre un bo número de exemplares, o volume que amanizaría a súa xornada.

Na Biblioteca, os máis osados, fixeron gala do seu arte lector, lendo para todos os seus compañeiros, de modo continuado e en verso, os capítulos de  "O Quixote"!.

Aquí vos deixamos un pequeno fragmento:

Muchas gracias  chicos y chicas que habéis hecho posible esta actividad: Lola, Iago, Bastián, Alex, Lía... Sois unos campeones!!!

Naturalmente, os lectores viron recompensada a súa colaboración, cun marcapáxinas especial de esta data.

Por motivos alleos á vontade do equipo, o apadriñamento lector tivo que posporse ata a vindeira semana. De modo que, a festa do libro... continúa!

 23 Abril

Os membros do Club de Lectura de 5º xa se embarcaron nunha nova aventura!

Esta vez, mergulláronse no mundo de aventura e fantasía que a escritora,
Laura García Gallego, creou para Jonathan, o protagonista da súa historia "O coleccionista de reloxos extraordinarios". Con el, os membros do Club realizaron unha amena viaxe no tempo, chea de maxia e sorpresas! Bravo por estes intrépidos viaxantes ávidos de lectura!

 17 Abril  

O Dia Mundial do Libro na Biblioteca

Este xoves 23 de Abril, coincidindo coa data da morte de Miguel de Cervantes e a de Shakespeare, (os dous máximos referentes da Literatura), celébrase o "Día Mundial del Libro y del Derecho de Autor".
Para celebralo, un ano máis, Leolo invítavos a todos a participar na lectura continuada da obra mestra da Literatura Española: "El Quijote", de Cervantes, que terá lugar na Biblioteca, na hora do recreo, os próximos días 23, xoves e 24, venres!
Animádevos a pasar uns intres didácticos e divertidos coas súas andanzas!

Esperámosvos a todos!

17  Abril

IV Torneo de Xadrez na Biblioteca

Este venres deu comezo o IV Torneo de Xadrez na Biblioteca.

Nomes xa habituales nestas lides e novos ingresados, desfrutan danbdo o mellor de sí por facerse coa victoria.

Ánimo, seguide gozando co voso xogo preferido!!

 10 Abril

Novo éxito do "Club de Dozura"

O Club de Lectura de Adultos, o noso Club de Dozura,  reuniuse de novo para desfrutar co intercambio de opinións, sensacións e experiencias personais evocadas no transcurso da lectura da súa última obra: "Comerás flores", de Lucía Solla Sobral.

E xa están a desexar que chegue o momento de mergullarse na lectura seguinte!

Xa teñen data e título! Atentos ttodos aqueles que queiran unirse á próxima sesión!!

 9 Abril

O Club de Lectura de 5º segue a súa singradura!

Esta vez atrevéronse coa obra de Francesca Simon: "Pablo
Diablo y la maldición de la momia". 

Están ben dispostos a acompañar ao traveso Pablo na consecución dos seus difíciles e non todos loables retos!

Ánimo lectores e a disfrutar con esta nova travesía!!

 20 Marzo

Día Mundial da Poesía  na Biblioteca!

Este sábado, 21 de Marzo, celebrouse o Día Mundial da Poesía. Data establecida en 1999 pola UNESCO co obxecto de promover a diversidade lingüística, protexer linguas en perigo, estimular a creación poética e celebrar a poesía como un diálogo intercultural que une ás persoas. Unha oportunidade, en definitiva, para potenciar a lectura, a escritura e o ensino da poesía como elemento de socialización. 

Naturalmente, Leolo tamén quixo celebrar este día cun acto especial. Convidou a todos os amantes deste xénero literario, vehículo ideal para a transmisión de sentimentos, beleza e emocións, para gozalo, todos xuntos, ao grande!

 18 Marzo

O noso Club de Lectura de 5º segue en marcha

Durante todo o curso estivemos a gozar todos xuntos de moitos libros.
E volvémonos reunir para compartir as nosas ideas sobre a obra de Françoize Boucher: "El libro que te explica todo sobre los padres".

Foi un encontro con moitas risas, opinións e reflexións moi interesantes... 

Cada vez participamos máis e mellor!

Animámosvos a falar dos libros en casa e compartir este momento con vosos fillos e fillas.

 6 marzo

Nova aventura para o Club de Lectura de 6º E.P.

Os membros do Club de Lectura embarcáronse nunha nova aventura: seguir os pasos de Perrock Holmes e os seus amigos. Unha divertida obra de Isaac Palmiola quen, nesta ocasión, creou un ruidoso guion para os seus personaxes. Julia, Diego e o seu inseparable amigo detectivesco Perrock Holmes deben descubrir que misterio encérrase tras a aparente existencia dunha enigmática pantasma que non deixa durmir a ninguén na mansión! Diversión asegurada para os membros do Club!

 2 Marzo

O Dia Internacional da Muller, na Bibloteca

O 8 de Marzo, celébrase o Día Internacional da Muller. Un día establecido pola ONU para reivindicar os dereitos das mulleres e a súa presenza na sociedade. Para coñecer en profundidade este tema, só tedes que visitar o expositor de conmemoracións. Alí atoparedes unha ampla gama de fondos sobre iso.

 27 Febreiro

Contacontos de Familias

Este venres, Jamaica e a súa nai Ana, proporcionáronnos unha instructiva e divertida sesión de Contacontos de Familias.

Con Dhor como protagonista, tivenmos a oportunidade de reflexionar sobre o noso importante papel como axentes activos no coidado do noso medio ambiente.

Ao rematar, os presentes gozaron cunha divertida e orixinal actividade mergullados entre os elementos

naturais máis importantes que nos dan vida: a terra e as plantas.

Moitas gracias Ana e Jamaica por esta inolvidable sesión!

 27 Febreiro

Nova sesión do Club de Lectura de Adultos

Este venres, o Club de Lectura de Adultos ( "Club de Dozura" !)
puxo en común as súas impresións sobre a obra de Pedro Feijoo: "Onde nacen as bestas". Unha obra apaixonante cuxo denso e confuso argumento lévanos, en ocasións, a dubidar se lemos unha historia real ou tan só paseámonos polo limiar dunha lenda.

E, a próxima cita, para cando? O Club de Dozura xa estableceu o seu próximo encontro!

Será o venres, 10 de Abril. E, para ese día, elixiron a novela coa que debutou Lucía Solla Sobral: "Comerás flores". Unha historia, desgraciadamente á orde do día, que ocorre con máis frecuencia do debido e cuxos protagonistas ignoran vivir. Pois cando os malos tratos de calquera tipo (psicolóxicos ou físicos), tenta disfrazarse de "amor profundo", as vítimas son sempre remisas en aceptar que o son e, polo tanto, nunca tentan defenderse ou aceptar axuda, pois se negan a ver a realidade!

Unha cita na que esperamos vervos a todos!

 26 Febreiro

Rosalía de Castro e recital de poesía na nosa Biblioteca!

Para lembrar á nosa escritora universal, a Biblioteca encheuse de cor e de poesía!! 

No expositor, Leolo deixounos unha selección das súas mellores obras. Unha selección adaptada a todos os niveis para que todo o alumnado puidese coñecela.

Coroando o expositor, unha fermosa infografía permitíanos acceder, visual e directamente, desde calquera recuncho da Biblioteca, ás súas poesías máis populares ! E como broche de ouro da celebración, o xoves, o alumnado voluntario protagonizou un

recital de poesía!

Bravo! Felicitamos a todo o valente alumnado que participou! Se non puidestes gozalo en directo, aquí deixámosvos unha ligazón para acceder a un breve resumo!

https://go.ivoox.com/sq/3119293

 22 Febreiro

Este Venres 27: Club de Lectura de Adultos  e Contacontos de Familias!!

Chega o gran día! Este venres, dobre cita! En primer lugar, na sesión de Contacontos de Familias, Jamaica e a
súa mamá darannos moi boas razóns para coidar o planeta! Non o perdas!

E, a continuación, os amantes do suspense poderán gozar dunha nova sesión do Club de Lectura de Adultos!

Venres de doble cita!! Esperámosvos a todos!

 22 Febreiro

Xa están aquí as novidades!

Leolo veu cargado de sorpresas!

Xa tedes á vosa disposición
as últimas novidades!

Non esquezades pasar polo expositor para poñervos ao día!!

Ánimo e a gozalas!!

 5 Febreiro

Nova sesión do Pasapalabra Olímpico!

Hoxe foi o turno dos expertos olímpicos do 1º Ciclo!

Un día máis, a profesora Chelo, guiou aos participantes a través do rosco convertindo a competición nun xogo cheo de tensión e tamén alegría!

Parabéns a todos os que participastes ao longo desta olímpica semana e gracias a todos os que apoiastes aos equipos coa vosa presenza!!

Esperámosvos na seguinte actividade!