Un "Taller de Mantemento e Restauración". Necesítanse artistas!

A nosa Biblioteca cobre unha gran variedade de
necesidades coa súa ampla oferta de posibilidades:

Os seus recunchos de lectura, as súas actividades especiais en datas puntuais de celebracións e conmemoracións, a súa oferta de talleres e xogos (lectura, escritura, xadrez, damas...) Pero, non só ofrece aquilo que nos gusta, senón que, ás veces, tamén demanda, solicita mans que a axuden! Iso é o que publicitaban uns inesperados carteis a pasada semana.

A resposta foi inmediata! Uns enérxicos voluntarios puxéronse ao choio, e implicáronse a fondo, para montar un improvisado taller de mantemento e restauración.

Poderedes gozar o resultado nos próximos días!!!

E é que a Biblioteca saca o mellor que leva cada un dentro e axuda a crear equipo!

Grazas artistas pola vosa colaboración! Contamos con todos vós!!

 4 anos tamén xoga!

Esta vez foron os alumnos e alumnas de

4 anos os que defenderon as súas posicións no taboleiro de xadrez da Biblioteca. Tamén eles gozaron dando os seus primeiros pasos neste beneficioso xogo.

Encarnados no papel das súas fichas, comezaron a aprender os movementos dos elementos básicos do taboleiro.

Foi unha xornada alegre e pacífica na que os peóns non perderon a súa "natureza de cabaleiros" e déronse un cálido abrazo en sinal de paz no momento de "comerse"!! Oxalá se desenvolvesen de modo tan cordial as disputas no mundo dos adultos!!

Vémonos na próxima sesión, na que xa algunha peza máis acudirá á chamada da contenda. Esperamos ver a algunha torre e algún alfil desfilando polo tapiz de cadros.

Vémonos pronto!

 "Eres tú mi mamá?"

Uns especiais "Contacontos" na Biblioteca.

Os alumnos e alumnas de

4 aniños da
profesora Natalia volveron a ter a súa especial sesión de contacontos. Tras a lectura dos seus libros preferidos, chegou o tan esperado momento de realizar a súa especial actuación: esta vez

os pequenos artistas decidiron escenificar unha versión personalizada do conto "¿Eres tú mi mamá?" da editorial Susaeta.
Para iso, Camila e Xoel solicitaron a axuda de 4 compañeiros colaboradores: Sabela, Roi,

Martín e Carmen. Non era para menos! Os seus dediños non daban para dar vida a tantos personaxes! Divertíronse moito no seu papel de contacontos e fixeron que todos os seus compañeiros pasáseno xenial á espera de que na próxima sesión sexa a súa quenda de estrearse como protagonistas! Que historia versionarán? Sexa cal for, as súas calidades seguirán sorprendéndonos!

Parabéns pequenos lectores!!

Seguide gozando do marabilloso mundo da lectura!!

 35 kg de esperanza!

Esta é a obra de Anna Gavalda

coa que gozou o Club de Lectura de 5º.
Algúns recoñeceron en Gregorio, o seu protagonista, o seu propio desencanto polo colexio debido á enorme cantidade de teoría coa que este obriga a sobrecargar o seu cerebro.

Un cerebro que, no caso de Gregorio desborda calidades e habilidades para realizar os máis estraños inventos sen necesidade de titoriais, pero que se pecha a ter que aprender nada que non lle proporcione a satisfacción que lle produce manipular materiais para crear cousas coas súas propias mans. Pero a realidade é que eses coñecementos son impostos por un motivo: son necesarios. os lectores sábeno moi ben. A Gregorio faillo entender o seu avó Leo, unha persoa moi especial coa que mantén unha especial conexión e que parece ser o único ser na terra que lle entende. Esa conexión é a que axuda ao protagonista para propoñerse mellorar e lograr o que lle parecía imposible!

E isto levou aos membros do Club a dúas importantes conclusións:

O importante que é ter sempre unha motivación, propoñerse uns obxectivos, ter unhas metas na vida, para avanzar nunha dirección e non fracasar como sentía Gregorio que o facía.

E por outra banda, tamén fíxolles pensar no importante que é contar cunha persoa especial que che entenda, que che apoie en todas as túas decisións, que estea ao teu lado cando celebras os teus éxitos e, sobre todo, que te anime cando fracasas.

Seguide así:

Loitando polos vosos obxectivos para lograr os vosos soños!

Vémonos pronto!

 Xadrez para os máis pequenos na Biblioteca

O luns foi un gran día para os alumnos e alumnas de 5 anos da profe Sara.
Convertidos en pezas de xadrez, deron os seus primeiros pasos na iniciación deste interesante e enriquecedor xogo milenario saltando polo taboleiro ás ordes dos seus reis.

E aínda que ambos os bandos lograron comerse algúns rivais, foi unha batalla pacífica na que, como protagonistas, aprenderon dun modo máis claro e divertido os movementos das pezas máis básicas do taboleiro. Foi unha sesión moi breve pero gozárona ao máximo.

Vémonos o vindeiro luns campións!!

 Maito Panduro no Club de Lectura de 4º

Maito e Panduro

Maíto Panduro
de Gonzalo Moure

conquistaron o corazón

dos membros do

Club de Lectura de 4º, coa gran complicidade entre pai e fillo e os seus desexos de volver reunirse e retomar a tranquila vida xuntos nos seus soñados prados do seu idealizado Pacillano. Con Maíto, os seus "chugales", os seus soños, o seu especial modo de comunicarse co seu pai... puidemos profundar no coñecemento dunha cultura diferente á nosa, a do pobo xitano, con outro ritmo de vida, outros hábitos, cunha linguaxe propia... e, o máis importante, permitiunos ver como a necesidade humana de comunicarse e entenderse non acha obstáculos cando sobra vontade para facelo.

Comunicando as súas mensaxes
mediante debuxos en 20 segundos

Os membros do Club coincidiron con Maito en que unha simple ilustración emite unha mensaxe máis profunda que o que poida transmitirse de modo oral ou escrito. Pois as palabras sobre un papel non son máis que iso: palabras de contido concreto e limitado. Un debuxo, en cambio, di moito máis que unha frase escrita pois cada trazo, cada detalle e a súa localización no papel, pode dar pé a miles de interpretacións e sentimentos. Ao finalizar o debate, os membros do Club aceptaron emular a

O resultado recibiu
moitas interpretacións

Maito., Algúns tentaron transmitir, mediante debuxos, os seus sentimentos (a alegría que a invade cando pasea coa súa nai), preocupacións (a sobrecontaminación do planeta), e plans (xogar o fin de semana coa súa tablet)...mentres os demais debían interpretalos. Unha actividade divertida na que uns e outros comprobaron a capacidade de comunicación e a amplitude de interpretación deste peculiar medio de entenderse. E é que, xa o din os sabios: "Unha imaxe vale máis que mil palabras"!!

Alá onde esteades, alá onde vaiades: Nunca poñades trabas á comunicación!

Non importa a linguaxe, a bo entendedor con boa vontade basta!

Vémonos na próxima sesión!

 Chegaron as "damas"!!

Unha nova actividade incorporouse á nosa Biblioteca!
Tras o exitoso I Torneo de Xadrez, os recreos da Biblioteca amplían o seu atractivo cunha nova destreza: as damas!!

Os primeiros xogadores , entre os que había noveis e expertos, gozaron compartindo minutos de diversión e
concentración con este xogo que algúns deles aprenderon xogando cos seus pais e mesmo cos seus avoíños.

Bravo por eses papás e eses avoíños que saben transmitir aos seus mozos e mozas descendentes a calma e a concentración que imprimen estes xogos milenarios.

J.M. B. e L.L. finalizan en tablas

Era só o primeiro día e xa unha parella de expertos xogadores formada por J.M.B. e L.L., de 5º A,
fixo as delicias da sala manténdonos en albas co seu xogo e as súas tácticas.

Finalizou a partida en táboas. Veremos que ocorre con estes avezados e alegres xogadores nas seguintes sesións!!

Animamos a todos a practicar algún destes xogos (damas, xadrez...), coas familias, na casa!!!

A pensar, concentrarse e divertirse toca!!!

 Entrega de premios ao gañador e aos finalistas do I Torneo de Xadrez.

I.P.E. co seu diploma,o
seu vale e o pack de premio

O martes, os xogadores de xadrez fixeron unha pausa para sumarse á alegría dos seus compañeiros e aplaudirlles na entrega de premios.

I.P. E.(5ºB), vencedor do I Torneo de xadrez do colexio, e I.B.B.F.(5ºB), M. C.R. (6ºA) e M.S.V.(5ºA) , finalistas do mesmo, recibiron un diploma e un pequeno pack en recoñecemento da súa fazaña.

O gañador, ademais, recibiu un vale xentileza da empresa viguesa de xogos de mesa Only Cards.

I.B.B.F. recibe o seu premio

M.S.V. recibe o seu premio

M.C.R. recibindo o seu premio

O gañador, I.P.E.,
recibindo o seu premio

Todos eles recibiron con entusiasmo o seu inesperado premio e xa empezaron a adestrar para o seguinte torneo.

Parabéns campións!!!

Seguide disfrutando!!

ROSALÍA DE CASTRO

O 23 de febreiro celebramos no noso cole o día de Rosalía. 

Este ano o equipo de biblioteca convidou o alumnado de primaria a un recital de poesía improvisada. Os nenos/as podían achegarse ao recuncho no que todo estaba preparado para espertar a lingua e os oídos.

Ao longo da mañá foron moitos os compañeiros e compañeiras que se achegaron a recitar as poesías de Rosalía de Castro, lembrando e poñendo en valor o seu traballo ao longo dos anos. Desta maneira tan bonita os nenos e nenas seguen gozando hoxe da poeta e do seu legado. 

MOOITAS GRAZAS a todos e a todas por facelo tan bonito e por participar!! 

Unha aperta,

O equipo de biblioteca

Este mércores,  unha nova edición do Taller de Escritura ao carón da lareira!

 

A mala idea, de Aloia

Este mércores, os amantes da pluma, deleitáronnos cunha nova entrega literaria.

Aloia, tróuxonos "A mala idea".

Co seu relato, a través da súa protagonista Luz, (unha nena con ideas extravagantes que ten unha mala idea, "aínda que non tan mala"), ela lémbranos o importante que é ser responsables, sobre todo á hora de aceptar compromisos, e máis aínda cando estes compromisos incumben á vida e saúde doutros seres vivos como as nosas mascotas. Afortunadamente a mala idea de Luz transfórmase en non tan mala e todo se resolve satisfactoriamente!!

Gael Ú., co seu orixinal relato "Cambio de cuerpos", levounos ao mundo da ciencia-ficción. O seu protagonista: Joaquín Giovanni,

Cambio de cuerpos, de Gael

un inventor cuxa última creación era un dispositivo que intercambiaba as almas e os corpos entre persoas e animais, conduciunos a un interesante mini-debate final: Como sería verse cambiado momentaneamente polo corpo e vida da nosa mascota? Estariamos felices e orgullosos ou nos faría ver o moito que as descoidamos? Como se sentiría a nosa mascota no noso corpo? Levaríanlle os seus hábitos a vivir unha vida "máis humana" que a nosa? Como sería estar dentro do corpo da nosa mascota e non poder comunicarnos cos nosos amigos... Nos levaría a valoralos máis? Ufff...!! Cantas cuestións!...

 Rapaces, sodes fantáticos!!

Se queredes saber máis sobre estes interesantes relatos, sumádevos ao noso Taller!!!

E, sobre todo, non deixedes pasar un só día máis sen espertar o gran escritor que dorme no voso cerebro esperando saír do letargo. Garabateade nun papel todas as ideas que volen na vosa cabeza, desenvolvédeas para crear as vosas propias historias, e a continuación transmitírnolas no taller! Estamos a desexar escoitárvolas!!!

Ánimo!

Todos sodes benvidos!!!

Vémonos no próximo!!!

 A Biblioteca, un alegre espazo para todos!

Cada martes, a segunda hora, a Biblioteca de Infantil abre as súas

portas a uns invitados moi especiais: os grandes lectores de 5ºA de Infantil da profe Natalia! Este martes, tras ler os seus contos favoritos, aproveitaron o final da sesión para estrearse como improvisados "contacontos", creando historias espontáneas para os seus compañeiros , contando coa axuda

das marionetas Tom e Tim. Fixérono moi ben, sen timidez e con moita desenvoltura e enxeño! Moi ben valentes!

Seguide así!

Lendo moito, gozando, viaxando e ampliando as vosas mentes coas fermosas historias que nos libros se agochan agardando a que as descubrades!

Vémonos o vindeiro martes!

 Xa temos campión de xadrez!!!

Tras unha reñidísima contenda na que os finalistas:

Iago B. e Iago P.
de 5º B, Mafalda de 6ºA e Marcos S. de 6º A, fixeron vibrar aos seus seguidores, o son do timbre que soou no fragor da lide poñía fin ao último enfrontamento e daba a vitoria a Iago P. fronte a Iago B. Fómonos todos con pena por
non poder saborear un poquiño máis esa última batalla que, cun pouquiño máis de tempo, talvez, finalizaría en táboas!

                            Parabéns a todos os finalistas!

Felicidades ao gañador!

                                         Seguimos véndonos os martes!

 

 

 O teu colexio "Nas Ondas". 

Comezo inmediato! 

As "Ondas" que che traerán do modo máis directo e ameno as novidades de dentro e de fóra do teu colexio, están a piques de

arrolarse no aire. Na súa última reunión, os responsables tomaron xa boa nota de cales van ser os seus primeiros pasos e quenes serán os primeiros invitados que lles axudarán na gran inauguración da súa primeira etapa. 

Eles poñerán cada día a súa alegría e a súa ilusión para que vós, convidados de honra, teñades un medio para dar a coñecer as vosas opinións, as vosas preferencias ou as vosas inquietudes respecto a os temas que vos interesan... O seu é, polo tanto,

un proxecto de "todos" e "para todos", 

polo que esperan contar coa vosa colaboración inestimable!! 

Estad atentos! 

En calquera momento poderedes recibir unha invitación!!

 

Chegou a Final!! 

Este é un aviso para os amantes dos "cadros brancos e negros""

Tras varias sesións de rifadas, pero sempre amigables, contendas, chegou o momento definitivo no que os reis e o seus séquitos se enfrontarán no campo de batalla guiados polas ordes e tácticas das prodixiosas mentes dos xogadores que os manipulan!

Ao regreso deste descanso de entroido, dará comezo a "Gran Final de Xadrez " na que algúns nomes como Gael, Iago, Mafalda... parten como favoritos!

Pero sen esquecer que o premio da contenda é igualmente compartido por todos os adversarios: os que participan na final e os que non participarán pero seguirán fieis á súa cita dos martes, pois o mellor premio é saborear en cada sesión o pracer de xogar a un xogo milenario que nos relaxa, ábrenos a mente e promociónanos as calidades necesarias para curar a impulsividade, promover a reflexión, etc, etc, tan necesarias no día a día da vida apresurada á que nos habituamos!

Preparádevos porque o momento esperado xa chegou!

Moitísimo ánimo!

Seguide xogando e gozando!

Vémonos!

 Onde está a bici de Selva?

Os membros do Club de Lectura de 3º ciclo atopárona!

Tras a lectura da obra de Mónica Rodríguez:

"A bicicleta de Selva", os membros do Club viron como esa marabillosa bicicleta que tanta admiración espertara no avoíño da historia e todos os seus compañeiros, materializouse á entrada das súas clases para transportalos dun modo máis "tanxible" ao fermoso mundo dos recordos e as historias inesquecibles cuxa porta lles abriu a lectura da obra. Non faltaba detalle no chapeu de palla utilizado por Selva a modo de transportín: o cómic, os parafusos, o lazo, as caléndulas...

Non! Un momento! As caléndulas desapareceran!

No seu lugar, apareceron, os 3 frascos nos que Selva e o seu amigo, con tanto agarimo, lograron levar o deserto ao seu nostálxico avoíño!

A sesión dese día, discorreu chea de alegría e de moitísima emotividade. Creouse un ambiente moi especial, no que todos os membros quixeron compartir as súas experiencias, falarnos deses obxectos que gardan con moito agarimo porque a medida que foi aumentando o seu desgaste foi aumentando proporcionalmente o seu "valor sentimental"... Quedóusenos corta a sesión! Naturalmente, as conclusións saían a gallarón:

As cousas antigas fálannos de miles de historias vividas que as fan insubstituíbles!

As nosas palabras son unha arma tan poderosa que pode levantarnos o ánimo ata o máis alto ou, mesmo, transportarnos ao estrañado lugar máis afastado facéndonos sentir os seus aromas, sentir as súas brisas ou escoitar os seus sons. Ese é o poder das nosas palabras!

Os nosos avoíños, son o noso valioso nexo cun pasado que debemos indagar, compartir e coñecer. Por iso é importante falarlles, preguntarlles e escoitarlles!!!

É moi importante respectar os costumes, historia e tradicións doutras culturas, por iso debemos coñecelas antes de xulgalas...

E moitas perlas máis! E é que son uns mozos e mozas cun gran corazón e unha mente moi sabia!

E as caléndulas?

Apareceron finalmente!

"Caéranselle" a Selva!

En equipo, utilizando como GPS as pistas que Selva agochou na súa propia bicicleta, puideron descifrar a localización exacta na que á alegre Selva se lle "caeran" as súas fermosas flores xunto cun pequeno obsequio que lles traía por compartir con ela a súa fermosa historia!

Sodes maravilosos!

Seguide así!

Vémonos na próxima sesión!!