Mércores de recomendacións coa profe Maribel e a profe Carlota

Boas tardes nenos e nenas do Chouzo!

Volvemos cun novo mércores de recomendacións!

Esta vez da man da profe Carlota de 5º A de Educación Infantil. A nosa profe tráevos un conto para os máis peques que seguro que algúns e algunhas aínda teñen por descubrir! Ademais, para os mais maiores tamén deixa unha das súas lecturas favoritas, así como tamén un curto espectacular! Moitas grazas á nosa profe polas súas recomendacións e este fermoso vídeo!

Doutra banda, a nosa profe Maribel de 6º B de Educación Infantil achéganos ao marabilloso mundo da poesía da man dunha autora recoñecida por todos e todas, como é Gloria Fortes. Ademais, a profe déixanos con dúas recomendacións cinéfilas que seguro que fai as delicias de moitos de vós. Moitas grazas por dedicar o seu tempo para facer este fantástico vídeo!

Un saúdo

O equipo de biblioteca

Mércores de recomendacións coa profe Cris e a profe Nerea

Boas tardes nenos e nenas do Chouzo!

Que tal estades? Unha semana máis, as nosas profes tráenvos os seus libros e pelis favoritas para que poidades achegarvos á lectura e ao cinema a través dos seus propios gustos. Esta segue sendo unha bonita maneira de coñecer aos nosos docentes un pouco máis!

Esta semana chegou a quenda de nosa profe Cris de 1º A de Primaria, as súas recomendacións non pasarán desapercibidas e son moi necesarias. Estamos seguras de que gozaredes escoitándoa, moitas grazas á nosa profe por descubrirnos un pouco máis dela e por dedicarnos un ratiño tan interesante.

Doutra banda, a profe Nerea de 5º A de Primaria preparou para vós un vídeo onde tráenos dúas recomendacións imprescindibles para seguir avanzando na deconstrucción das nosas diferenzas, e así empezar a valoralas como algo positivo. Millóns de grazas a Nerea polo seu tempo e dedicación!

Un saúdo

O equipo de biblioteca

Mércores de recomendacións coa profe Pilar e a profe Grecia

Ola mozos e mozas do Chouzo!!

Outro mércores máis, nosas profes déixannos por aquí as súas recomendacións para que poidades botar un bo intre collendo inspiración para futuras lecturas, e ideas de pelis para ver a fin de semana!

Esta semana a profe Pilar de 1º B de primaria preparou un Genially onde recomenda un dos seus libros favoritos, o cal ten coma protagonista a un neno. A peli que nos recomenda a profe tamén ten como protagonista a un neno e é sen dúbida, unha das películas máis divertidas dos últimos anos. Moitas grazas a Pilar polas súas recomendacións e por este Genially!

Hoxe ademais, a profe Grecia 6º B de primaria tráenos unha chea de recomendacións lectoras, como ela fixo un xogo de adiviñas imos deixar que vexades o vídeo e tentedes adiviñar os títulos dos seus libros favoritos. En canto ás súas recomendacións cinéfilas Grecia regálanos dúas grandes películas, unha delas, pon en valor a figura das mulleres loitadoras e empoderadas. Moitas gacias á profe por dedicarnos o seu tempo e descubrirnos tan boas recomendacións!

Un saúdo

O equipo de biblioteca

Mércores de recomendacions coa profe Elena e a profe Laura

Boas tardes mozos e mozas do Chouzo!

Como vai esa semana? Esperamos que xenial! Para facervos o mércores máis levadío traémosvos unhas novas recomendacións das nosas profes do cole. Alá imos!

Abrindo hoxe a entrega de recomendacións traémosvos o vídeo da profe Elena Batán de 2º B de primaria. Ela deixounos unha recomendación lectora que revisiona dándolles un novo punto de vista, os contos clásicos que todos e todas coñecemos. Doutra banda, a súa recomendación cinéfila é nada máis nin nada menos que unha película de 1956. Que non vos de medo o ano, é das películas máis divertidas da historia do cinema. Encantaravos! Moitísimas grazas á nosa profe polas súas recomendacións!

Hoxe traémosvos recomendación por partida dobre, xa que a profe Laura de ARCO tamén quixo deixarvos nun vídeo a película que marcou a súa etapa de primaria, se queredes saber cal é botádelle unha ollada ao vídeo. Nel, tamén descubriredes a súa recomendación lectora, un libro en galego que está situado en Pontevedra. Moitas grazas á profe Laura por deixarnos coñecela un pouco máis!

Un saúdo

O equipo de biblioteca

MÉRCORES DE RECOMENDACIONS COA PROFE ANXA

Boas tardes a todos e a todas! Que tal estades a pasar esta semana? Esperamos que ben! Hoxe, para alegrarvos o día, traémosvos unha nova recomendación da nosa profe Anxa de 2º A.

Anxa tráenos un dos grandes clásicos do cómic, un formato que aínda ninguén nos recomendara e que nos encanta. Se aínda non o coñecedes, é o voso momento! Doutra banda, a súa recomendación cinéfila trasládanos a unha época moi bonita, na que nos levabamos o cinema ás nosas casas en formato cinta. Moitas grazas a Anxa polo agarimo que lle puxo a este marabilloso vídeo!

Un saúdo O equipo de biblioteca

MÉRCORES DE RECOMENDACIÓNS COS PROFES MARTA, ÁNGELA E JUÁN

Bos días mozos e mozas!

Que tal estades? Benvidos/ as a outro mércores máis de recomendacións lectoras e cinéfilas.

Este mércores son tres os profes que se animaron a preparar un vídeo-presentación para todos vós. Imos alá!

En primeiro lugar, a nosa profe de inglés, Marta, tráenos unha recomendación lectora que nos traslada a unha época moi interesante da historia. Así coma unha película que é un clásico dos 90, coa que estamos seguros gozaredes unha chea. Moitas grazas a Marta polo vídeo tan chulo que preparou, e por contarnos un pouquiño máis sobre ela!

Hoxe traémosvos a recomendación da profe Ángela de 3º B de primaria. A súa recomendación literaria é un libro precioso que se sitúa nunha das contornas naturais máis bonitas de Galicia. Moitas grazas a ela por darnos a coñecer este fermoso libro, e por esta presentación!

Por último, o profe Juán achéganos ao mundo da literatura con dúas recomendacións que farán as delicias dos máis lectores. A maiores, a súa recomendación cinéfila é unha película baseada nunha novela de Eduardo Branco Amor, sabedes cal pode ser?. Moitas grazas a Juan polo seu vídeo e por deixar que o coñezamos un pouco máis.

Un saúdo

O equipo de biblioteca

MÉRCORES DE RECOMENDACIÓNS COA PROFE SUSANA E O PROFE NOEL

Boas tardes nenas e nenos do Chouzo!

Como estades? Esperamos que as vacacións de Nadal servisen para coller moitas forzas para este novo ano que comeza!

No cole cremos que a mellor maneira de recibir un novo trimestre é recomendando algunha lectura ou película que os nosos profes descubriron no seu momento, e que agora pensan, poden resultarvos interesantes.

Así que, esta semana traémosvos as recomendacións da profe Susana de 3º A, quen a través dun vídeo espectacular cóntanos cal é para ela a súa lectura imprescindible de todos os tempos. Obra que por certo, ten unhas ilustracións fermosísimas. Atentos e atentas ao vídeo, que hai sorpresas! Moitas grazas á profe por descubrirnos un pouco máis dela, e por esta recomendación lectora!

E esta vez, por partida dobre, o profe Noel de Educación Física tráenos tamén as súas recomendacións: un libro que xa é hoxe un dos clásico da literatura xuvenil, e outro con perspectiva de xénero, onde as mulleres son as protagonistas. Na parte cinéfila Noel descóbrese como amante do deporte en todas as disciplinas e recoméndanos unha película que, no seu momento foi un auténtico taquillazo. Tomade nota!

Moitas grazas ao profe polos seus imprescindibles e por dedicar un ratiño do seu tempo a preparar este vídeo!

Escaneando o CÓDIGO QR poderás descargar o libro de Niñas a leyendas

Un saúdo

O equipo de biblioteca

MÉRCORES DE RECOMENDACIÓN COA PROFE CHELO

Boas tardes a todos e todas,

Benvidos/ as a outro novo mércores de recomendacións!

Hoxe chegou a quenda da nosa querida profe Chelo de 4º B de Primaria. A profe realizou un estupendo Genially, que tedes dispoñible aquí abaixo, onde nos conta cousas moi interesantes sobre o seu libro favorito, todo un clásico da literatura.

Seguro que o coñecedes! E se non e así, este é o momento.

Moitas, moitísimas grazas á nosa profe por esta marabillosa recomendación.

Un saúdo

O equipo da biblio

Mércores de recomendación coa profe Conchi

Ola mozos e mozas, que tal estades?

Hoxe é mércores e polo tanto toca unha nova recomendación por parte do noso profesorado. Chegou a quenda da profe Conchi de 4º A de Educación Primaria. Neste caso a profe déixanos unha presentación marabillosa sobre dúas das súas lecturas favoritas, dúas lecturas por certo, moi valiosas. Seguro que algún ou algunha xa as coñecedes. Se non é así, animámosvos a botarlles un ollo, ou mesmo agora que se achega o Nadal, podedes aproveitar para pedir algún destes dous libros aos Reis Magos.

Moitas grazas á profe polas súas recomendacións!

Un saúdo

O equipo de biblioteca

20 DE NOVEMBRO- DÍA UNIVERSAL DO NENO/A

Que ocorre o día 20 de novembro?

Para SABER MÁIS: O 20 de novembro é un día importante: celébrase o Día Universal do Neno/a e conmemóranse os aniversarios da adopción da Declaración Universal dos Dereitos do Neno (1959) e a aprobación da Convención dos Dereitos do Neno (1989).

"Crianzas" Sebastiao Salgado (TASCHEN)

Para PRIMARIA:

CLICK

Para INFANTIL: 

CLICK

Para REFLEXIONAR sobre este tema, gustaríanos ver que cousas pensades que cambiaron para os nenos e nenas do mundo, pero tamén, que cousas cambiaron para vós, víronse minguados os vosos dereitos? 

Doutra banda, en que estades a axudar para mellorar a situación? Para contarnos todo isto, podedes elaborar un debuxo acompañado dunha carta, ou unha redacción a modo de historia....Seguro que saen cousas moi interesantes! 

Un saúdo, o equipo da biblioteca. 

MÉRCORES DE RECOMENDACIÓNS COA MESTRA MARÍA

Boas tardes a todos e a todas,

benvidos/as a outro MÉRCORES DE RECOMENDACIÓNS!

Este día temos a sorte de que a profe María de 5º B de primaria fíxonos un vídeo súper interesante. Nel fainos unha chea de recomendacións, así que estade atentos e atentas por se descubrides algunha que sexa do voso gusto.

Moitas grazas á profe por descubrirnos tantos títulos interesantes!

Un saúdo

O equipo da biblioteca

MÉRCORES DE RECOMENDACIÓNS CO MESTRE CIBRÁN

Boas tardes mozos e mozas!

Como xa sabedes hoxe é mércores, así que...hoxe toca MÉRCORES DE RECOMENDACIÓN!

Para este mércores témosvos preparada unha sorpresa moi especial. Esta vez é a quenda do noso mestre Cibrán de 6º B. Dámoslle as grazas por recomendarnos os seus "imprescindibles", que nos permitiron coñecelo un pouco máis, así como algúns dos seus intereses, sitios nos que estivo...

No seu vídeo atoparedes unha lectura moi especial, posto que está ambientada na cidade do noso centro.

Animámosvos a que o escoitedes para descubrir de que libro se trata!

Un saúdo

O equipo da biblioteca

MÉRCORES DE RECOMENDACIÓNS COA MESTRA INMA

Xa esta aquí, xa chegou! O mércores de recomendación!

Hoxe damos comezo a unha proposta por parte do equipo de biblioteca que esperamos vos guste tanto como a nós.

Durante todos os mércores deste curso escolar imonos unir a través do noso amor pola lectura e o cinema, a unha actividade onde serán as propias profes do Chouzo as encargadas de recomendarvos a través dun vídeo ou unha pequena presentación:

1. Un libro que lles encantase e que lles gustaría que coñecésedes

2. Unha peli que lles marabillase e quéiranvos descubrir

Este mércores é a quenda de nosa mestra Inma de 6º A, que con moito amor déixavos as súas recomendacións. 

Quizá no seu vídeo atopedes o que será o voso libro favorito, ou unha peli que recomendar a alguén nun futuro!

Un saúdo o equipo de biblioteca

100 anos de Gianni Rodari

 Bos días lectores e lectoras!

O 20 de Outubro foi un día moi especial, un dos vosos autores preferidos estivo de centenario. 

Escribiu cousas como: Veinte historias más una, Érase dos veces el barón Lamberto, Cuentos para jugar Cu-Cú, Cuentos por teléfono... 

Xa o adiviñastes?

Efectivamente: GIANNI RODARI!

Pero... e Quen era Gianni Rodari? Aquí contámosvos quen era, que facía e tamén vos deixamos algunhas propostas do autor para traballar coas palabras. Creando, mezclando, retorcendo, investigando, imaxinando, e buscando un sinfín de posibilidades! Animádesvos a probar? 

Un saúdo dende o equipo de biblioteca!

Día das bibliotecas escolares - Xeografías literarias

Bos días a todos e todas!

Dende 1997 celébrase o Día das Bibliotecas o 24 de outubro.

Dende a biblio do noso cole queremos destacar o importante papel que xogan as bibliotecas, encargadas de ofrecer acceso á cultura, ao coñecemento e ao entretemento baixo calqueira circunstancia. E aínda que poidan vir anos atípicos, a biblioteca seguirá sendo o motivo polo que moitos e moitas achegadesvos á lectura dende ven pequenos/as, da man dos vosos familiares e dos vosos profesores/as. 

As bibliotecas son un recurso fermosisimo para toda a comunidade educativa, e están sempre ao noso carón. 

E aínda que a nosa biblioteca permaneza pechada ao público queremos seguir abrindoa ao mundo, así poís vos propoñemos que nos contedes: Onde te levou a túa última lectura? De onde eran os personaxes da obra? 

Neste mapa podedes ir deixando o nome da vosa última obra lida, marcando xeográficamente de onde eran os personaxes da obra.

PARA FACELO:

1. PREME NO AVIÓN
2. NO MAPA CREA UNHA CAPA
3. NOMEA A CAPA CO TÍTULO DA OBRA
4. ENGADE A LOCALIZACIÓN AO MAPA

Un saúdo

O equipo da biblioteca

25 Xuño

Un novo curso chegou ao seu fin

Cando a temperatura advirte que o verán se aproxima e, con el, chega o soñado descanso tras 10 meses de duro traballo para sacar o máximo rendemento ao noso tempo, certo nerviosismo e inquietude se apodera do ambiente escolar.
O remate do curso escolar se semella ao remate do curso dun río que, tras salvar estreitamentos, cambios e recuperación do sentido do seu fluxo tras os meandros, obstáculos e barrancos, desemboca no seu final nunha bulliciosa e alegre cascada. Como o noso río Xallas, (o único río de Europa que desemboca en cascada. Que ata niso somos Terra de exclusividade! Aproveitamos para invitarvos a coñecela aos que non a haxades visitado nunca, como parte do Proxecto!)

Pero, como o río que tras a bravura e velocidade do seu curso alto, preséntase tranquilo mostrando a súa máxima quietude cando chega ao seu fin, este curso terminou así mesmo dun modo diferente ao habitual: sen a emotividade e o nerviosismo característico que comeza a sentirse nos pasillos, patios e aulas, xa nos últimos días do mes de Maio.

Sen dúbida, vivimos un final atípico: non puidemos despedirnos dos nosos compañeiros coa alegría que produce o traballar e compartir xogos e ilusións ata o final, gozando xuntos as festas de despedida e as gradacións. Pero, non olvidedes que seguiremos aquí e que, no futuro, calquera momento será propicio para vivir a alegría do reencontro.

Para algúns, este verán será só unha paréntese como outros. Para moitos será a barreira que os separa dun "mundo" novo:

Para os que deixan atrás ás súas queridas profesoras de Educación Infantil, á volta espéralles un escenario moi diferente (patio compartido cos "maiores", novos profesores e materias, novos espazos e métodos de traballo...).
Para os que deixan atrás o CEIP, xa non hai "volta". O final do verán suporá para eles o paso a un "centro de estudio" diferente, con profesores e compañeiros cos que nunca antes compartiron patio nin festividades.

• A todo o personal e Familias que ao regreso volveremos a reencontrarnos aquí para emprender con ilusión e alegría un novo curso, 
• A vos, alumnos que emprenderedes unha nova etapa da vosa vida no IES Santa Irene, no Instituto Politécnico ou en calquera outro colexio da cidade, e
• A vos, compañeiros profesores que no novo curso compartiredes a vosa sabiduría e a vosa experiencia cos afortunados compañeiros e alumnos dun novo centro,

A todos,

desde o Equipo de Biblioteca,

vos desexamos un
moi feliz verán!

Cascada de Ézaro. Río Xallas

26  Xuño

Momento de ser agradecidos: O noso agradecemento a todas a persoas e institucións que nos axudaron a desenvolver o noso Proxecto: "Coñezo Galicia"

Emprender un Proxecto require un  gran esforzo e levalo a cabo precisa de moita colaboración.

 Desde o Equipo de Biblioteca, agradecemos a todo alumnado e Familias que colaborastes activamente en todas as propostas que fixemos e tamén a todas aquelas persoas e institucións que o fixeron posible facilitándonos a información e o material necesario.
Gracias ao Centro de Atención ao Cidadán do centro de Turismo da Xunta de Galicia na Coruña, á
Oficina Municipal de Turismo de Lugo, á Casa do Mapa dependente da Cartoteca de Pontevedra, á Oficina Municipal de Turismo de Ourense, á Oficina Técnica do Servicio de Arqueoloxía de Santiago, á Turismo Rías Baixas da Diputación de Pontevedra, e de maneira moi especial, queremos agradecer a Paz Varela (do Servicio de Arqueoloxía de Santiago) e a Sheila Montenegro (de Turismo Rías Baixas da Diputación de Pontevedra) pola súa gran mostra de profesionalidade, infinita paciencia e gratificante disposición de colaboración con noso proxecto.

Moitísimas gracias a todos!

NOTA: A situación atípica vivida desde as últimas semanas do segundo trimestre, impediunos rematar todos os elementos do Proxecto tal como estaba previsto. Pero, non vos preocupedes porque, á volta, dedicaremos un tempo a rematalo!

22 Xuño

"Coñezo Galicia". Un Proxecto para coñecer e descubrir a grandeza da nosa Terra. 

Agora que o curso chega ao seu fin, é cando o noso Proxecto: "Coñezo Galicia" debe dar os seus frutos. 

Non esquezades mirar con outros ollos ao rededor cando saiades á rúa, cando deades un paseo, cando vaiades de visita a outro pobo, cando gocedes duns días de descanso en calquera lugar da xeografía galega, porque, se unha cousa quedounos clara co proxecto, é que en calquera recuncho, en calquera momento nunha beirarrúa, no muro dunha sinxela casa, no valado dun xardín ou horta, nun cruzamento de camiños, no terreo adxacente á estrada ou camiño polo que os nosos pasos discorran, poderemos atoparnos un importante elemento patrimonial, que, clasificado ou non como "BIC" (Ben de Interés Cultural), ou figure ou non na listaxe do "Patrimonio da Humanidade" da Unesco, será sen dúbida un elemento distintivo da fortaleza, enxeño, fe, pensamento, unión e cultura dos nosos antepasados de quen debemos sentirnos sempre moi orgullosos. Un pobo que non se sente orgulloso do seu pasado, renega da parte máis importante de si mesmo, pois, as súas loitas, acertos e erros son os que lle confiren a identidade presente.

Observade pois cada escudo, hórreo, capela, cruceiro, muíño, fonte, ponte ou viaducto... con respecto e coa sobriedade que todo anaquiño de historia merece. Non vexades simples cheas de pedras, senón a historia que vos contan.

Aproveitade o aprendido para aplicalo e ver a gran riqueza que ata o de agora pasaba desapercibida aos vosos ollos.


 Tedes a fortuna de vivir nun pobo cunha extensa e arraigada historia, coñecédea, descubrídea, aproveitádea, gozádea...

Non esquezades que hai que coñecer para comprender!

E que, tanto máis se coñece e máis se comprende, máis se "vive"