OBRADOIRO DE ELECTRICIDADE

Nuria e os seus robots seguen a visitar as diferentes clases do cole, unha das últimas afortunadas foi a de 1ºA, preme na imaxe para ver o vídeo no seu blog.

CLUB DE LECTURA: 35 KILOS DE ESPERANZA

O pasado martes tivemos a última xuntanza do Club de Lectura e foi para poñer en común as nosas impresións sobre o libro "35 kilos de esperanza" de Anna Gavalda. Foi unha lectura ben acollida entre o alumnado na que nos falan da importancia de aprender a coñecerse a un/unha mesmo/a e de esforzarse día a día para acadar as nosas metas. 

Dende o Equipo de Biblioteca queremos dar as grazas aos nenos/as do Club de Lectura pola súa implicación neste proxecto, por amosarse sempre tan participativos/as e interesados/as nas lecturas e actividades propostas.

E para rematar, uns agasallos de despedida, vémonos o vindeiro curso na Biblio!

OBRADOIRO DE ELECTRICIDADE

O venres pasado os nenos e nenas de 4ºB de Educación Infantil tiveron unha visita cargada de sorpresas.

Nuria, a nai de Yeabsira e Wube, é profe de tecnoloxía e veu a explicarnos o funcionamento de diferentes máquinas e circuitos, timbres, un ascensor, un muiño e incluso trouxo dous scornabots! un deles estaba programado para seguir un circuito e o outro para parar cando se lle presentaba un obstáculo.

Os/as nenos/as puideron experimentar e participar en todas as experiencias que nos propuxo Nuria e pasárono de marabilla.

Moitas grazas Nuria, esperamos volver a verte pronto!

 

Obradoiro electricidade E.I. 2017 - Kizoa Editar Videos - Movie Maker

VISITA DO ESCRITOR OLI

Oli, o autor do libro "O rato avó e o muraño" achegouse ao colexio para falar connosco do seu libro.
Tamén recitamos un poema seu das "Once damas atrevidas", que o temos na biblioteca.
Logo firmou os libros.

CIENCIA NA BIBLIOTECA: OS GASTERÓPODOS

Continuando cos obradoiros científicos da profe Tere, aquí vos deixamos unhas fotos da sesión que dedicou a coñecer máis en profundidade aos gasterópodos.

Os nenos/as quedaron con ganas de máis, así que, a seguir investigando rapaces/as!

PRESENTACIÓN: INVENTOS CON HISTORIA II

Hoxe foi un día moi especial xa que recibimos a visita do “avó Pepe”.

É o avó das nosas compañeiras Erea e Iris e ensinounos o uso dun invento moi curioso: o pizarrín. Cando el era pequeno, o caderno só se usaba para escribir as cousas moi importantes que merecesen ser gardadas. Para todo o demais, escribíase co pizarrín. Para escribir no papel tiñan outro invento: a pluma, que era moi fráxil e precisaba de elaborar a tinta. 

Tamén nos explicou como os nenos/as elaboraban os seus xogos favoritos: o trompo e as canicas, antes de que se puidesen comprar con tanta facilidade como agora. Ensinounos a lanzalo e algúns trucos para xogar con el e gañar sempre. É un gran artista, grazas Iris e Erea por compartilo connosco!

PRESENTACIÓN: INVENTOS CON HISTORIA

Durante estas semanas dende a biblioteca estamos facendo unhas viaxes ao pasado espectaculares, e todo isto a partir duns inventos antigos que nenos/as e familias están vindo a presentar ao cole. 
Nesta ocasión, da man de Maló e Ainara descubrimos como eran as planchas antigamente e como se empregaban o molinillo de café e a balanza. Isto fainos pensar en canto cambiaron as cousas en pouco tempo!
Moitas grazas Ainara e Maló!

CONTACONTOS: SABELA GAGO

Cada día temos unha sorpresa nova na biblioteca! 
Esta vez tivemos a sorte de contar con Sabela Gago, que trouxo consigo contos cargados de aventuras e emocións. Tanto os nenos/as como as profes gozamos moitísimo, grazas Sabela Gago! 
 

Contacontos Maio 2017 - Kizoa Editar Videos - Movie Maker

4ª QUEDADA LITERARIA

Aquí vos deixamos as fotos da 4ª Quedada Literaria.
Os nenos e nenas pasaron unha xornada marabillosa compartindo momentos de lectura con alumnado doutros coles e en contacto coa natureza.


Quedada Literaria Maio 2017 - Kizoa Editar Videos - Movie Maker

4ª QUEDADA LITERARIA

Mañán martes 23 de maio o alumnado de 5º de primaria vivirá una xornada moi especial, xa que terá lugar a 4ª Quedada Literaria no Parque de Castrelos.

Deixámosvos aquí toda a información.

 

VISITA Á BIBLIOTECA AFUNDACIÓN

O pasado xoves 11 de maio as nenas e nenos de segundo visitaron a Biblioteca Afundación. 

A Biblio do cole é moi chula, pero a estes/as lectores tan entusiastas encántalles descubrir novos espazos de lectura. Tiveron a oportunidade de coñecer libros interesantísimos, puideron compartir cos compañeiros/as momentos de lectura, fixeron o carné e incluso levaron libros prestados.

Ademais, tamén contribuíron a renovar os libros da Biblio intercambiando libros que levaban do cole por libros que tiñan alí. E se non atopaban ningún do seu interese, dábanlle un vale para que puidesen volver noutro momento a coller outro libro do seu gusto. 

Visita Biblioteca A Fundación 2º - Kizoa Editar Videos - Movie Maker

CLUB DE LECTURA: VISITA DE MÓNICA RODRÍGUEZ

A Biblioteca impregnouse onte das cores cálidas do deserto e da nobreza das súas xentes grazas a Mónica  Rodríguez e o seu libro “La bicicleta de Selva”. A autora visitou o noso Club de Lectura, transmitíndonos  a importancia de "ler co corazón" (sentindo  e saboreando cada liña), e a importancia de por o corazón en todo aquilo que se escribe.  Só así, unha historia e uns personaxes sinxelos como é o caso de Selva, poden  rezumar vida e mostrarnos unha inmensidade de mundos e sentimentos  escondidos baixo cada palabra.

Grazas Mónica por animarnos a ler, por ensinarnos a “ler co corazón” e por animarnos a amar a lectura!

BIBLIOPATIO III

A Bibliopatio deste trimestre tivo un toque diferente, xa que esta vez tivemos 

que pensar nunha persoa importante para nós á que realizarlle un dos mellores regalos que se poden facer: UN LIBRO.

Curioso, o alumnado de infantil e primaria, foise achegando ao carriño e escollendo a lectura que máis se axustaba á persoa que tiña en mente. Acompañaron este agasallo dun marcapáxinas no que puideron escribir dedicatorias cargadas de cariño e gratitude.

 

DÍA DO LIBRO: APADRIÑAMENTO LECTOR

O luns 24 de abril celebramos o Día do Libro dunha forma moi especial. 

Encántanos compartir momentos de lectura coas persoas que nos rodean, ben sexan os nosos seres queridos, ou os/as nosos/as compis do cole. Un curso máis levamos a cabo o apadriñamento lector entre o alumnado do centro, no que os nenos/as maiores leron contos aos/ás máis pequenos/as do colexio. Ao rematar a lectura fixemos intercambio de agasallos, pasámolo fenomenal!

Día do Libro 2017 - Kizoa Editar Videos - Movie Maker

CLUB DE LECTURA: LA BICICLETA DE SELVA

CLUB DE LECTURA: "QUERIDO HIJO: ESTÁS DESPEDIDO"

Os nenos e nenas do Club de Lectura reuníronse hoxe para falar do libro "Querido hijo: estás despedido".

É importante establecer unhas normas de convivencia en casa?

É necesario por uns límites?

Quen pon os límites?

Como chega un neno, como o protagonista, a ser un individuo tan molesto, egoísta e irreverente?

Estas e outras cuestións leváronlles a iniciar espontáneamente un interesante debate no que, por unanimidade, destacaron a importancia de que os pais e nais establezan aos seus fillos/as unhas normas e uns límites e se preocupen, tamén, por facelos/as respectar desde moi pequenos/as, para que os seus fillos/as non crezan como individuos egoístas, cómodos e irreverentes, incapaces de manter unha convivencia armoniosa coa súa familia, cos seus veciños/as ou no colexio.
A madurez das súas opinións e o seu saber estar deron mostra da esmerada educación recibida polos seus proxenitores (Parabéns mamás e papás!) e fíxoos/as merecedores/as dun doce premio! Obtido, iso si, gracias a súa compenetración como equipo! Parabén Lectores/as!
 

 

 

 

 

 

 

CIENCIA NA BIBLIOTECA: OS ARTRÓPODOS

Unha vez máis, a profe Teresa encandeou aos futuros científicos/as e investigadores/as do colexio cos máis  descoñecidos e impactantes segredos dos artrópodos. Todo un éxito que continuará  aínda nunha próxima sesión, o vindeiro mércores.  

Se es un/unha fiel e incondicional seguidor/a lémbrao, non o podes perder!

Ciencia na Biblioteca: Os artrópodos - Kizoa Editar Videos - Movie Maker

DÍA DO LIBRO

Este próximo luns, día 24, encheremos o patio de recordos e emocións: non esquezades traer ese libro que un día vos conmoveu tanto, vos emocionou, vos sorprendeu, vos acompañou... de tal modo que se converteu no voso preferido. 

Como "madriñas" e "padriños" tentaredes transmitir esa mesma emoción a un compañeiro/a máis pequeno/a, facéndolle sentir o mesmo interese que vós posuídes polo mundo máxico da lectura. 

Ánimo!

CIENCIA NA BIBLIOTECA: OS ARTRÓPODOS III

GUÍAS DE LECTURA

Aquí tendes as novas guías de lectura para os distintos niveis, 

esperamos que vos gusten as propostas que con moito cariño preparamos en colaboración coas mestras do cole.

Agora toca mergullarse nunha fermosa historia ou nunha emocionante aventura.

Que pasedes unhas felices vacacións da man dun bo libro!

Esperámosvos á volta na Biblioteca! 

 

CLUB DE LECTURA

Atención!

Membros do Club de Lectura, tedes unha nova cita o vindeiro 24 de abril.

 

BIBLIOPATIO II

Nenas e nenos de diferentes cursos puideron disfrutar dunha nova xornada de bibliopatio no cole. 

Foi moi emocionante ver chegar o carriño cheo de libros, cómics, revistas, etc. dos que gozar durante o recreo, e unha vez que tocou o timbre, levaron estes agasallos tan especiais para casa.

Encántannos os recreos con sorpresa! 

 

CIENCIA NA BIBLIOTECA: OS ARTRÓPODOS II

Retornan os experimentos e investigacións á Biblioteca!

Mañá mércores 5 de abril, continuaremos coa esperada segunda parte do experimento sobre os artrópodos.

Vémonos na Biblioteca á hora do recreo, sede puntuais!

CLUB DE LECTURA: ESPEJOS VENECIANOS

GALILEO GALILEI e COPÉRNICO levaron ás nenas e nenos do Club de Lectura a descubrir os misterios dos Espellos Venecianos.
En primeiro lugar cada membro do Club debía averiguar a que equipo pertencía e posteriormente descubrir a identidade da/o mestra/e que lle daría as instrucións.
Os libros da biblioteca comezaron a encherse de pistas e deron paso á busca dos textos perdidos. Pero sería a derradeira pista a que desvelaría o misterio que encerraba o espello veneciano.
Finalmente atoparon as flores e o escrito de Giovanni Conti, quen lles deixou un doce agasallo.
Estas rapazas e rapaces fixeron unha gran labor de investigación, parabéns!
  
 

Espejos Venecianos - Kizoa Editar Videos - Movie Maker

CIENCIA NA BIBLIOTECA: OS ARTRÓPODOS

Estades preparadas/os para un recreo científico na biblioteca? 

Temos organizada unha actividade para mañá mércores 15 de marzo 

que porá a proba as vosas habilidades investigadoras.

Que sabedes dos ARTRÓPODOS?, sodes capaces de distinguir un insecto dun arácnido?,

 estas cuestións e moitas máis estaranvos agardando,

non podedes faltar! 

8 DE MARZO: DÍA INTERNACIONAL DA MULLER

Hoxe conmemoramos o Día Internacional da Muller, unha xornada para reivindicar a igualdade e reflexionar sobre a situación das mulleres na sociedade.

Aínda que na nosa comunidade as cousas mudaron ao longo dos séculos, queda camiño por percorrer para que poidamos falar de igualdade.

Na biblioteca preparamos unha exposición de libros interesantísimos, para que coñezades ben ás mulleres que fixeron e están a facer historia.

DÍA INTERNACIONAL DA MULLER: MULLERES NA CIENCIA

Nun día coma este debemos reflexionar sobre o papel da muller na ciencia, por iso queremos compartir este vídeo convosco.

E ti, cantas mulleres científicas coñeces?