AXUDANTES BIBLIOTECA 2013-14

Neste novo curso tamén temos un novo equipo de Axudantes de Biblioteca.
Son uns alumnos moi preparados e comprometidos con esta tarefa.
Unha das súas misións é colaborar a que a Biblioteca sexa ao mesmo tempo interesante e divertida.


Emilia Pardo's Slidely by Slidely Slideshow

BIBLIOTECARIOS REUNIDOS

O luns, 4 de novembro, reunímonos de novo algúns bibliotecarios de varios centros educativos.
Esta vez foi para elaborar unha nova lista de recomendacións de libros para todas as idades.
Desde os máis cativos ata os máis maiores da familia.
A "Guía de Lecturas" de Nadal 2013.


Emilia Pardo's Slidely by Slidely Slideshow

CLUB DE LECTURA

INAUGURACIÓN

Os nenos de 1º de Primaria baixaron á Biblioteca coas súas titoras.
A profe Ángeles explicoulles todas as cousas que se poden facer na biblioteca e tamén as que non se poden facer.
Explicoulles por que é tan importante coidar todo o que hai alí e que todo esté ben ordenado.
Portáronse moi ben e quedaron con moitas ganas de empezar a utilizala.
Benvidos rapaciños!!!

 

SAMAÍN 2013

Este curso celebramos un Samaín moi especial.
As profes de Infantil fixeron unha Biblioteca de moito, moito medo.
Pero foi un medo moi divertido.
Algúns nenos escribiron reflexións sobre os medos.
E para celebralo fixemos unhas comidas monstuosas.


Emilia Pardo's Slidely by Slidely Slideshow

RECEITA PARA O SAMAÍN

BISCOITO DE CABAZA

INGREDIENTES 

* 1/2 Kg. de cabaza

* Un bote de leite condensada

* 1 litro de leite

* 300 gr. de fariña

* 4 ovos

* 1/2 Kg. de azucre

* Raladura de limón e canela en rama

Cocíñase a cabaza sen pelar coa canela en rama. 

Cando está cocida quitamos a casca e as pebidas, escurrimos ben a auga e mesturámola co resto de ingredientes ata formar unha crema.

Untamos un molde con manteiga, vertemos a mestura e poñemos no forno quente a temperatura media. 

Para saber cando está listo picamos cun escarvadentes por exemplo, e cando este sae limpo está no seu punto. 

Tómase  frío. 

Mellor telo un tempo no frigorífico antes de servir.

O SAMAÍN: 31 OUTUBRO 2013

Vídeo didáctico sobre o Samaín con música de Mamá Cabra from Falamelide TV on Vimeo.

POR QUÉ LES CUENTO CUENTOS A MIS HIJOS POR LAS NOCHES

Haz "clic" en la imagen

24 OUTUBRO: DÍA INTERNACIONAL DA BIBLIOTECA

OS CELTAS EN GALICIA

Novo proxecto 2013-14

Este curso aprenderemos moitas cousas sobre a cultura celta e a súa influenza na actualidade.

FESTA BIBLIOTECA XUÑO 2013

Emilia Pardo's Slidely by Slidely - Slideshow maker

MÁIS ACTIVIDADES DO CURSO 2012-13

Emilia Pardo's Slidely by Slidely - Slideshow maker

Emilia Pardo's Slidely by Slidely - Slideshow maker

GUÍA DE LECTURAS - VERÁN 2013

Fai "clic" na Guía de Lectura para ver máis grande e mellor.

DESPEDIDAS

Os alumnos de 6º remataban a súa estancia no colexio e, orientados pola profe Luz, quixeron facelo ofrecendo un pequeno espectáculo de despedida.
Tanto os alumnos de 6º A como os de 6º B dixeron unhas palabras de agradecemento aos profesores que tiveron ao longo dos 9 anos, aos demáis profes aínda que non lles deran clase directamente.
Tamén fixeron un entrañable resumo do seu paso polo centro.
Foi moi emotivo.
Tan emotivo que, á hora de ir a comer, aínda choraban.
Choraban os que marchaban, os que quedaban...
Foi un verdadeiro mar de bágoas.


Emilia Pardo's Slidely by Slidely - Slideshow maker

VISITA Á BIBLIOTECA PÚBLICA

Os alumnos de 2º visitaron a Biblioteca pública más cercana ao  colexio.

Fai "clic" na imaxe

TÍTERES EN ACCIÓN

Hai uns días, o pai dun neno do cole fixo unha fermosa e divertida animación.
O espectáculo titulado "Títeres en acción" foi destinado ao alumnado de infantil que o pasaron moi ben.

Fai "clic" na imaxe

BIBLIOTECARIOS REUNIDOS 2013

Neste curso 2012-13 que xa remata, fixemos varias reunións de bibliotecarios.
Ademais da reunión no noso centro Emilia Pardo Bazán (Chouzo) no mes de xaneiro, reunímonos nestes outros centros:

• CEIP Coutada-Beade
• CIFP Manuel Antonio
• CEIP Escultor Acuña 

Emilia Pardo's Slidely by Slidely - Slideshow videos

Na última reunión no Escultor Acuña falamos de libros para recomendar e acordamos que, na próxima reunión no mes de outubro, elaboraremos a Guía de Lecturas de Nadal.

DIPLOMAS DO CONCELLO

Debido a un contratempo os diplomas do Concello chegaron uns días máis tarde, pero chegaron.

(Se clicas nas fotos poderás velas moito mellor)

CLUB DE LECTURA, XUÑO

Emilia Pardo's Slidely by Slidely - Slideshow videos

E aumentamos o grupo do club, así que tamén, damos a benvida a Maca!!

Polo contido e a temática do libro "Isha, nacida do corazón", tamén falamos destes deuses hidúes:

Shivá

Segundo os textos escritos polos discípulos de Patañjali, o deus Shivá ensinou, por primeira vez, o ioga á súa esposa Párvati mentres un narval ou delfín do río Ganxes o escoitaba. 
Para saber máis clica aquí.

Durga

Durga na mitoloxía hindú é a deusa da guerra e a destrución, unha das manifestacións de Parvati, cuxo nome en sánscrito significa "a Inaccesible" ou a "a Invencible".
Para saber máis clica aquí. 

Yama

Yama é o deus da morte, señor dos espíritus dos mortos e gardián do inframundo.
Para saber máis clica aquí.
 

Ganesha

A tradición conta que Ganesha era orixinalmente un neno que coidaba a entrada á habitación da súa nai.
Para saber máis clica aquí.

Agni

El é o deus do lume, o mensaxeiro dos deuses.
Para saber máis clica aquí.

INTERCAMBIOS INTERTEATRO 2013

O noso centro recibiu aos alumnos do ceip Celso Emilio Ferreiro e aos do ceip Alfonso R. Castelao.


By Slide.ly - SlideShow Maker

Os nosos artistas representaron no ceip Celso Emilio Ferreiro, no ceip Carrasqueira e no noso centro.

By Slide.ly - SlideShow Maker

INTERTEATRO 2013

Como en anos anteriores, o colexio Emilia Pardo Bazán participou no intercambio de obras de teatro con outros 18 centros educativos e tamén participou co Concello de Vigo na IV Mostra de Teatro Escolar en colaboración coa Escola Municipal de Teatro.

By Slide.ly - SlideShow Maker


By Slide.ly - SlideShow Maker


Tacto from Emilia Pardo Bazán on Vimeo.


O Sorriso Roubado from Jorge Lorenzo on Vimeo.


By Slide.ly - SlideShow Maker

By Slide.ly - SlideShow Maker

APADRIÑAMENTOS LECTORES

En conmemoración do Día Mundial do Libro, e cun pouquiño de retraso a causa do mal tempo, fixemos este ano unha actividade de Contacontos na que participaron todos os alumnos do colexio.
Cada neno maior "apadriñou" a outro máis pequeno.
Contoulle un conto de misterio.
Ou un conto de amizade.
Ou un conto de medo.
Ou un conto de risa.
Ou algún poema bonito.
Ou...
Leron, leron, leron...
Escoitaron, escoitaron...
Foi moi divertido, fenomenal, gustounos moito.
Que Guay!!!

By Slide.ly - SlideShow Maker

IV XORNADAS TEATRO ESCOLAR

Este mércores, no Auditorio do Concello, empezan as Xornadas de Teatro Escolar Os días 21, 22, 23, 27, 28 e 29 deste mes, o Auditorio Municipal do Concello , albergará, baixo a dirección técnica da Escola Municipal de Teatro, as IV Xornadas Municipais de Teatro Escolar, nas que participarán máis de 400 novos actores e actrices pertencentes a 15 centros de educación primaria e aos grupos de nenos/as da Escola Municipal de Teatro de Vigo. 
Cada un dos centros de ensino participantes ofrecerá unha representación teatral, e deste xeito compartirá co resto dos centros o traballo creativo que desenvolveron individual e colectivamente ao longo do curso. 
A diferenza doutras iniciativas, como mostras ou concursos de teatro escolar, esta programación didáctico-teatral favorece e supón un reforzo tanto do proceso de traballo creativo cotiá do profesorado e alumnado nos centros escolares, como da plasmación final en formato obra de teatro por parte dos escolares. 
Coa continuación por cuarto ano consecutivo destas xornadas, preténdese recoñecer o labor creativo que se está a desenvolver nos centros de ensino, ademáis de tender pontes de froitífera colaboración entre os contornos escolares e o teatro profesional e afeccionado. 

POEMAS DE ROSALÍA

CONTACONTOS NA BIBLIO

Fai "clic" na imaxe para ver toda a información. 

LETRAS GALEGAS 2013

Información facilitada e compartida por Sergio 

do Ceip Mallón

Información facilitada e compartida por Mercedes Bujan do CPI dos Dices.

Información facilitada e compartida por Quini Freixeiro do Ceip Condesa de Fenosa.

Este ano a RAG adica o día das Letras Galegas a Roberto Vidal Bolaño, autor, actor, director e produtor teatral. Vidal Bolaño é unha figura esencial para comprender o evoluír do teatro galego dende os anos 70 deica hoxe, dotando á nosa escea dun carácter universal sen renunciar aos nosos sinais de identidade. Para axudarnos a coñecer mellor a RVB elaboramos unha presentación, que en breve se completará con outras ferramentas que andamos a artellar. Os datos que recollemos na presentación foron tirados da web da Real Academia Galega (http://www.realacademiagalega.org/letras-actual) e do libro «Dez obras na vida de Roberto Vidal Bolaño» de Camilo Franco e editado por Biblos, dúas referencias que podemos (e debemos) consultar.
 

Una procura do Tesouro: Vidal Bolaño

por Quini Freixeiro do Ceip Condesa de Fenosa.

Fai "clic" no debuxo.

LIBRO DE VISITAS

Este é un novo libro para a Biblioteca.
É o noso Libro de Visitas.
Queremos que nel deixen as súas palabras todas as persoas entrañables que visiten a nosa Biblioteca para facer actividades de Lectura, Animacións, Formación de Usuarios, Educación Documental, Teatro... ou calquera outra que aporte coñecemento, motivación e ilusión aos nosos alumnos.
Este libro estreouno Fina Casalderrey o 23 de abril, Día Mundial do Libro, de 2013.

CONTACONTOS NA BIBLIO

O contador de contos Iago estivo o xoves día 25 cos nenos de Infantil e de 1º de Primaria a contarnos un conto moi divertido, deses que tanto nos gustan.

 

Linda é unha vaca diferente ás demais. 

Cada mañá, mentres a muxían, a vaca Linda fitaba nerviosa e impaciente cara ao exterior da granxa. Porque había algo que a Linda lle gustaba máis ca nada no mundo. 

O seu maior pracer consistía en meterlle un susto ao carteiro e escorrentalo da granxa. 

Cada día, Linda agachábase nun sitio distinto e sempre conseguía o seu obxectivo, ata que o pobre carteiro remataba desquiciado e incapaz de seguir co seu traballo. 

No entanto, haberá alguén ao seu carón que o axudará. Linda á espreita de Alexander Steffensmeier é un fascinante álbum ilustrado sobre unha vaca á espreita, un carteiro perseguido e unha granxeira que só quere recibir, por fin, un paquete san. 

Linda á espreita é a primeira entrega desta serie protagonizada por esta simpática vaca.

Composta, ata o momento, por tres títulos, foi un éxito de vendas en Alemaña dende a súa aparición en 2006. 

En torno a esta serie lévanse publicados libros para colorear, libros de cociña para nenos e diversos produtos de merchandising. 

(Información da páxina de Xerais)

Iago conta: "Linda á espreita" on PhotoPeach

FINA CASALDERREY NA BIBLIO

O mesmo día 23 de abril, no que celebrábamos o Día Mundial do Libro, os nenos de 1º tivemos a sorte de que nos visitase a escritora e gran contadora de historias Fina Casalderrey.
Contounos moitas cousas, pero o mellor de todo foi a súa maneira tan peculiar de facelo.
Deixounos coa boca e os ollos moi, moi abertos.
Contounas tan ben que todos nós (tamén as profes) creímos que pasaron de verdade...
Logo, coa súa pluma especial, firmounos todos os nosos libros.
Tamén inauguró cunha marabillosa dedicatoria o noso novo libro de firmas das Visitas Entrañables á nosa Biblioteca.
Grazas, moitas grazas Fina. 
FINA CASALDERREY 23 ABRIL 2013 on PhotoPeach

23 ABRIL 2013 - DÍA MUNDIAL DO LIBRO

Agasallo de Paula Carballeira para as Bibliotecas Escolares de Galicia no Día Mundial do Libro.

Texto:

"SÓ UN LIBRO"