Gran éxito da sesión dobre de "Contacontos de Familia"

Este venres disfrutamos con: "O àrbol de Nadal do señor Viladomat", de Robert
Barry e "Cando Martiño

tivo ganas de mexar na noite de Reis", de Chema Eras.

Primeiro, Adelaida, o xardineiro Tomás, o oso Barnabás, o raposo Facundo, o coello Fermín… e a longa lista de personaxes que logran decorar os seus humildes fogares co que sobra na mansión Viladomat, mantivo atento e animado ao numeroso público asistente.

Pequenos e maiores gozaron da rima e a mensaxe subliminal desta didáctica historia, moi apropiada para calquera día da nosa vida consumista, pero en especial para estas datas do Nadal.

Despois, a sesión continuou coa inesperada aventura do pequeno Martiño, que ve perigar o seu agasallo de Nadal por mor da súa inoportuna necesidade fisiolóxica nocturna.

E para finaliar esta sesión tan especial, nada mellor que facelo cunha divertida actividade do Nadal!