BIBLIOTECA DO CHOUZO

 10 Outubro 2023

Xa estamos de volta! Menudo traxín!

Achégase o día tan esperado: 

A reapertura da nosa Biblioteca!

Unha reapertura chea de sorpresas!

E todo ten que estar a punto para recibir de novo aos ávidos lectores que con tanta ansia esperan para visitala! O equipo funciona a toda máquina! Todo está xa preparado: 

Os libros debidamente colocados nos seus andeis; os novos clasificadores no seu punto correspondente para facilitar que non haxa equívocos (A orde é moi importante! (Cada libro debe estar no seu lugar, non o esquezamos!); os novos pasaportes esperan xa aos seus donos; as mochilas viaxeiras están xa listas con novos libros e algunhas novidades (non só para os pequenos lectores senón tamén para os seus papás: unha carta de Leolo, o “Decálogo dunha Familia comprometida coa Lectura”e algúns "consellos" especiais para momentos especiais do día a día en familia)…

E as invitacións ás familias?

Tamén enviadas! E é que unha das innovacións de este curso é que habrá unha sesión moi especial na Biblioteca os últimos venres do mes pola tarde: "CONTACONTOS DE FAMILIAS" !

Que emoción!

Os titores xa recibiron a vosa carta de invitación!

Soamente queda esperar un pouquiño! Un nada! 

Ánimo!